پاکستان مارٹ آن پاکستانی مصنوعات آتا برآمد اٹی ودکی مریک، بنجائی وزیر جام کمال

اسلام آباد۔ 06 اگست (اے پی پی) بنجائی وزیر واپار جام کمال خان پارینے کہ پاکستان مارٹ آن پاکستانی مصنوعات آتا برآمد اٹی ودکی مریک، پاکستانی برآمد کنندگان آتے جہانی پلیٹ فارم دُوبریک۔ ننا مصنوعات آک داسہ جہانی منڈی تیٹی براہ راست دستیاب مریرہ۔ داخیال آتا درشانی ءِ او چارشنبے نادے آ داڑے پاکستان مارٹ نا بابت این ایل سی و ڈی پی ورلڈانا ڈل اتون اوڑدہی آن پد میڈیا تون گپ وتران کرساکرے۔ بنجائی وزیر جام کمال خان پارے کہ داڈٹ پاکستان نا واپار کن گیم چینجر اس مریک، یواے ای حکومت دا ڈٹ آتا تفنگ کن مفت ڈغار فراوان کیک۔ اوپارے کہ متحدہ عرب امارات اٹی فلیگ شپ ڈٹ پاکستان مارٹ اہمیت تخک، دا مارٹ برآمد کنندگان آتیکن اسہ پورو واپاری مرکز اس مریک۔ جام کمال پارے کہ مارٹ انا تفنگ جوائنٹ وینچر نا وڑاٹ کینہ، دا ڈٹ ہندی صنعت نا مون آ دننگ و زرگزرانی سوگوی ٹی کمکار مریک۔