میجر طفیل محمد شہید نا 67 می یوم شہادت 7 اگست آ اڈتننگک

سیالکوٹ۔ 06 اگست (اے پی پی) نشان ءِ حیدر اعزاز دوئی کروک آ پاکستان نا بہادر گلزادہ میجر طفیل محمد شہید انا 67 می یوم شہادت ءِ 7 اگست آ اڈتننگک، دا چرجوئی ٹی ڈسکہ تون اوار چندی شار تیٹی اڈ ہلوک دود آتیٹی شہید ءِ خراج عقیدت پیش کننگک۔ میجر طفیل شہید 22 جولائی 1914ء آ پنجاب نا شار ہوشیار اٹی ودی مس۔ او1943ء ٹی پنجاب رجمنٹ اٹی کمیشن کرے و ہراتم او میجر نا عہدہ غا سرمس تو خاہوت تون اوار پاکستان آ بس و فوج اٹی خذمت سرتننگ نابناءِ کرے۔ اگست 1958ء ٹی اودے لکشمی پور اٹی مورچہ بند منہ بھارتی دستہ غاتا سفایا ءِ کننگ نا مشن ءِ تننگا۔ میجر طفیل محمد دشمن آ چوکی نا عقب اٹی سرمرسا جلہو کرے، دشمن نا ورندی سم کاری آن میجر طفیل ٹھپی مس، ولے او مون آ ہنساکرے و دستی بمب خسسا دشمن نا مشین گن ءِ ناکارہ کرے۔ زوت ہی دشمن تون دست بدست مقابلہ بناکرے بالآخر بھارتی فوج تینا پد اٹ چار لاش و مسہ بندی تے ہلسا نرا۔