بنجائی وزیر داخلہ محسن نقوی نا کرک اٹی ایف سی کارندہ غاتا گاڈی آ فتنۃ الہندوستان نا دہشت گرد آتا جلہو نا مذمت، شہید کارندہ غاتا خاہوت آتون ہمدردی نا درشان

اسلام آباد۔ 06 اگست (اے پی پی) بنجائی وزیر داخلہ محسن نقوی کرک اٹی ایف سی کارندہ غاتا گاڈی آ فتنۃ الہندوستان نا دہشت گرد آتا جلہو نا مذمت ءِ کرسا شہیدی نا جام ءِ نوش کروک آ 3 کارندہ و ڈیور ءِ خراج عقیدت پیش کرینے۔ وزارت داخلہ نا کنڈآن چارشنبے نادے آ جاری بیان نا رداٹ محسن نقوی پارے کہ لانس نائیک محمودشاہ، سپاہی شاہد، سپاہی رؤف و ڈیور شاہ پور شہیدی نا بڑزکو رتبہ اس کٹار ۔ اوپارے کہ شہید آتا خاہوت آتون ہمدردی و ہڑزخواہی نا درشانی ءِ کینہ۔ وزیرداخلہ پارے کہ شہید مروک آ کارندہ غاتا عظیم قربانی تے سلام پیش کینہ۔ شہید آتا قربانی دہشت گردی نا برخلاف جنگ اٹی ننا عزم ءِ پین سوگو کیک۔ محسن نقوی پارے کہ شہید آتا خاہوت آتا ڈکھیائی ٹی بریبرنا شریک اُن و پدسلوک آ خاہوت تون سلوک اُن۔