وفاقی وزیر رانا تنویر حسن ءَ بھارت اکثریتی کشمیری آں اقلیت جوڑ کنگ ءِ سازش کنگ ءَ انت، کشمیری ورناہانی دزگیری ءُ میڈیا ءِ سرا بندش مذمت ءِ لائک انت

اسلام آباد۔5اگست  (اے پی پی): راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسن ءَ گوشت کہ بھارت اکثریتی کشمیری آناں اقلیت جوڑ کنگ ءِ سازش کنگ ءَ انت، کشمیری ورنا آناں دزگیر کنگ ءُ میڈیا ءِ سر ءَ بندش مذمت ءِ لائک انت، پاکستان کشمیری آناں سفارتی، سیاسی ءُ اخلاقی کمک ءَ برجاہ دار ایت۔ لگت مالی ءِ روچ ءِ موہ ءَ وتی ھاسیں کلوہ ءِ تہ ءَ وفاقی وزیر ءَ گوشت کہ 5اگست 2019ءَ بھارت ءِ کارروائی میاں اوستمانی کانود ءِ ھاسیں ھلاپ ورزی اِنت، کشمیر ءَ انسانی ھک آنی مزنیں ھلاپ ورزی دگنیا ءِ چم آنی دیم ءَ بوھگ ءَ اِنت۔ آئی ءَ گوشت کہ بھارت ءَ کشمیری آنی پجار، سرڈگار ءُ آجوئی ءِ سر ءَ اُرش کتگ وھدیکہ مقبوضہ کشمیر ءَ را پچیں میدان ءَ مٹ کنگ بوتگ۔ بھارت کشمیریانی گیشتریں بہر ءَ اقلیت ءِ تہا بدل کنگ ءِ سازش کنگ ءَ اِنت۔ کشمیری ورنا آنی دزگیر کنگ ءُ میڈیا ءِ سر ءَ بندش ایر جنگ ءِ لائک انت ۔ راج ظلم ءِ اے قسط ءِ بے تواریں تماشائی مہ بیت۔ آئی ءَ گوشت کہ آجوئی ءِ ھُبّ ءُ واھگ ءَ را زُلم ءُ زوراکی ءِ سنجلاں چہ ھلاس کنگ نہ بیت۔ پاکستان ھمک دیوان ءَ کشمیری آنی معاملہ ءَ جنگ ءَ برجاہ دار ایت۔ آئی ءَ گوشت کہ کشمیری آنی وت واجئی ءِ ھک اقوام متحدہ ءِ قرارداد آنی لوٹ اِنت، پاکستان ھمک ساھت ءَ کشمیری آں گوں ھمراہ اِنت۔