راجی اسمبلی ءِ اسپیکر سردار ایاز صادق ءَ گورنر بلوچستان شیخ جعفر خان مندوخیل ءَ گوں گند ءُ نند کتگ، وفاقی ءُ صوبائی سیادی، بلوچستان ءَ برجاھیں دیمروئی منصوبگ، امن ءُ ایمنی ءِ جاور ھال ءِ سر ءَ گپ ءُ تران

اسلام آباد۔5اگست  (اے پی پی): گورنر بلوچستان شیخ جعفر خان مندوخیل ءَ پارلیمنٹ گس ءَ راجی اسمبلی ءِ اسپیکر سردار ایاز صادق ءَ گوں گند ءُ نند کت۔ گند ءُ نند ءَ وفاقی ءُ صوبائی سیادی، بلوچستان ءَ جاری دیمروئی منصوبگ، امن ءُ ایمنی ءِ جاور ءُ پارلیمانی کمک ءَ ھوار وت مہ وتی سیت ءِ جیڈھ آنی سر ءَ سرجمیں رنگ ءَ گپ ءُ تران کنگ بوت۔ قومی اسمبلی ءِ اسپیکر سردار ایاز صادق ءَ گوشت کہ بلوچستان ءِ دیمروئی فیڈریشن ءِ اولی ترجی انت ءُ صوبہ ءِ الس ءِ ھک آنی رکھینگ ءِ واستہ پارلیمنٹ وتی جوانیں کرد ءَ برجاہ دار ایت۔ آئی ءَ بلوچستان ءَ ھندوستان ءِ کمک ءَ بوتگیں ناشرکاری کارروائی آنی مذمت ءَ سک باز مذمت کتگ ءُ گوشت کہ فتنہ الہندستان ءِ ناشرکار بلوچستان ءَ ناامنی شنگ کنگ ءَ اَنت ءُ اے چیلنج ءَ گوں گر ءُ چیل بوھگ ءِ واستہ ھمک وسیلگ کارمرد کنگ بنت۔ اسپیکر ءَ گوشت کہ بھارت ءِ سرپرستی ءَ ناشرکاری ءِ ھلاپ ءَ جنگ ءِ واستہ سرجمیں راج یکجائی ءَ انت ءُ ریاستی ادارگ یک مھکمیں حکمت عملی ءِ چیر دستی ءَ گامگیج زورگ ءَ انت۔ فرماندار بلوچستان ءَ صوبہ ءِ تہ ءَ جاری دیمروئی منصوبگ ءُ امن ءُ ایمنی ءِ جاور ھال آنی بابت ءَ راجی اسمبلی ءِ سروک ءَ را تفصیلی بریفنگ دات۔ آئی ءَ گوشت کہ صوبہ ءِ برجمیں دیمروئی ءِ واستہ وفاقی ءُ بلوچستان حکومت ءِ نیام ءَ مھکمیں سیادی المی انت۔ آئی ءَ بلوچستان ءَ وفاق ءِ نیمگ ءَ برجاھیں دیمروئی گامگیج آناں وش اتک کت۔ گند ءُ نند ءِ ساھت ءَ دوئیں بامرداں ورنا آناں وانگ ءُ زانگ، جان سلامتی ءُ روزگار ءِ موہ پجاری ءِ ضلورت ءِ سر ءَ زور پر دات۔ دوئیں راہشون آں صوبانی نیام ءَ یکوئی ءِ دیمروئی ءُ وفاقی ادارگ آنی تہ ءَ بلوچستان ءِ موثر نمائندگی ءِ سر ءَ ھم تپاک کتگ۔ راجی اسمبلی ءِ اسپیکر سردار ایاز صادق ءَ بلوچستان ءِ جیڈھ آنی گیواری ءِ واستہ ہر ممکن کمک ءِ دل یکیمی دات۔ گورنر بلوچستان شیخ جعفر خان مندوخیل ءَ ایوان ءِ تہا اسپیکر سردار ایاز صادق ءِ غیر جانبداریں کرد ءُ پارلیمانی کاروائی ءَ را وشیں رنگ ءَ برجم دارگ ءِ ھاتر ءَ آئی ءِ سروکی ءَ را ساڑات۔