دود ءُ ربیدگ ءُ راجی میراث ءِ وفاقی وزیر ءِ گشگ انت کہ کشمیریانی سرا ہندوستان ءِ ظلم ءُ زوراکی غیر انسانی ءُ ناقابل برداشت انت

اسلام آباد۔5اگست  (اے پی پی): دود ءُ ربیدگ ءُ راجی ورثہ ءِ وفاقی وزیر اورنگزیب خان کھچی ءَ گشتگ کہ 5اگست کشمیری ءِ حقانی واستہ سیاہیں روچ انت۔ وفاقی وزیر ءَ سئے شمبے ءِ روچ ءَ کشمیر ءِ لگت مالی ءِ روچ ءِ موہ ءَ جاڑی بوتگیں بیان ءِ تہ ءَ گوشت کہ بھارت ءَ 5اگست 2019 ءَ پدریں رنگ ءَ میاں اوستمانی کانود آنی ھلاپ ورزی کتگ، کشمیری آنی سر ءَ بھارت ءِ ظلم ءُ زوراکی غیر انسانی ءُ ناقابل برداشت اِنت۔ وفاقی وزیر ءَ گیش گوشت کہ جموں ءُ کشمیر ءَ ناجائزیں گامگیج آنی مول ءُ مراد مسلمان آنی اکثریت ءَ را اقلیت ءِ تہ ءَ بدل کنگ اِنت۔ آئی ءَ گوشت کہ بھارت ءِ غصب ءِ گامگیج اقوام متحدہ ءِ قرارداد آنی ھلاپ ورزی انت، میاں اوستمانی براتی ءَ را بھارت ءِ ظلم ءُ زوراکی ءُ سیاہ کانود آنی نوٹس زورگ لوٹ ایت۔ اورنگزیب خان کھیچی ءَ گوشت کہ بھارت ءِ نیمگ ءَ دود ءُ ربیدگی محاذ ءَ ھم کشمیری پجار ءِ مٹ کنگ ءِ کوشست کنگ بوھگ ءَ انت۔ وفاقی وزیر ءَ گوشت کہ کشمیر پاکستان ءِ جگولر رگ اِنت، پاکستانی راج کشمیری برات آنی گوما اوشتاتگ۔