کشمیر ءِ لگت مالی ءِ روچ ءِ سر ءَ وفاقی تہی کارانی وزیر محسن نقوی ءِ کلوہ ءِ تہ ءَ ظلم ءُ زوراکی، غیر  کانودی آوار جنگ  ، میڈیا ءِ بلیک آؤٹ، درشان  ءِ سر ءَ بندش ءُ برجاھیں کرفیو ءِ سبب ءَ بھارت ءِ ناجائزیں رنگ ءَ قبضہ کتگیں جموں ءُ کشمیر ءَ را انسانی ھکانی قبرستان جوڑ کتگ

اسلام آباد۔5اگست  (اے پی پی): وفاقی تہی کارانی وزیر محسن نقوی ءَ گوشت کہ 5اگست بھارت ءِ ناجائزیں رنگ ءَ مقبوضہ جموں ءُ کشمیر ءِ راجدپتر ءِ تہ ءَ سیاہ تریں روچ اِنت۔ بھارت ءَ جموں ءُ کشمیر ءِ ھاسیں آئینی بستار ءَ را رد ءُ بند داتگ ءُ اقوام متحدہ ءِ قرارداد ءُ میاں اوستمانی کانود ءِ سر ءَ پدریں رنگ ءَ خلاف ورزی کتگ۔ وفاقی تہی کارانی وزیر محسن نقوی ءَ کشمیر ءِ لگت مالی ءِ روچ ءِ درگت ءَ وتی کلوہ ءِ تہ ءَ گوشت کہ مودی سرکار ءَ کشمیری آنی آئینی ھک، پجار ءُ آجوئی ءَ را دھمکی دیگ ءِ وسیلگ ءَ کش اتگ۔ آئی ءَ گوشت کہ زلم ءُ زوراکی، غیر عدالت ءِ کشتار، میڈیا ءِ بلیک آؤٹ، اظہار ءِ سر ءَ بندش ءُ برجاھیں کرفیو ءَ اے درگت ءَ را انسانی ھک آنی قبرستان جوڑ کتگ۔ محسن نقوی ءَ گوشت کہ نوکیں ڈومیسائل قانون ءِ رد ءَ لاکھوں ہندو مہلوک وادی ءَ آباد کنگ بوھگ ءَ انت تانکہ دمگی آبادی ءَ را اقلیت ءِ تہ ءَ بدل کنگ بہ بیت۔ کشمیر ءِ جیڈھ میاں اوستمانی براتی ءِ بے پرواہی ءِ سرا زار ءُ زاری اِنت۔ وزیر داخلہ محسن نقوی ءَ گشتگ کہ مودی حکومت ءَ امریکی صدر ڈونلڈ ٹرمپ ءِ نیمگ ءَ ثالثی ءِ پیشکش ءِ سرا پسو نہ داتگ۔ محسن نقوی ءَ گوشت کہ یک نیمگی بھارتی کارروائی جنوبی ایشیا ءَ امن ءِ واستہ مزنیں ھترہ انت، کشمیر ءِ جیڈھ ءَ را ترندیں میاں اوستمانی دلگوشی ءِ ضلورت انت۔ وزیر ءِ توکی کار ءَ گوشت کہ بے سلاہیں کشمیری آنی جہد ءُ کوشست ءَ را سلامی دیگ ءَ آں، ایش ناجائز ءُ غیر انسانی پندل آنی پد ءَ آجوئی ءِ مشعل ءَ چست کنگ ءَ انت۔ آئی ءَ گوشت کہ پاکستان کشمیری آں گوں انت ءُ ھمک فورم ءَ ایشانی اخلاقی، سیاسی ءُ سفارتی کمک ءَ برجاہ دار ایت۔