کشمیری برات ءُ گہاراں گوں یکوئی ءِ درشان کنان ءَ کہ آ انگت ءَ ھندی زلم ءُ زوراکی، آبادی ءِ بدلی ءُ بنیاتی انسانی ھک آنی لگتمالی ءِ آماچ اَنت، وزیر تجارت جام کمال خان

اسلام آباد۔5اگست  (اے پی پی): وفاقی وزیر تجارت جام کمال خان ءَ گوشت کہ مرچی ما وتی کشمیری برات ءُ گہار آنی گوما سرجمیں یکوئی ءِ درشان کن ایں کہ آ ناجائزیں رنگ ءَ مقبوضہ جموں ءُ کشمیر ءَ نندوک اَنت ءُ آ انگت ءَ زلم ءُ زوراکی، آبادی ءِ بدلی ءُ وتی بنیاتی انسانی ھک آنی سنگینیں لگتمالی ءِ آماچ اَنت۔ کشمیر ءِ لگت مالی ءِ روچ ءِ موہ ءَ جاڑی بوتگیں بیان ءِ تہ ءَ آئی ءَ گوشت کہ 5اگست 2019 ءَ بھارت ءِ ناجائز ءُ یک نیمگی کارروائی ”کہ کشمیر ءِ پجار ءُ بستار ءِ بدل کنگ ءِ ھاترا بوتگ اَنت“ میاں اوستمانی کانود ءُ انسانی ضمیر ءِ سر ءَ سیاہیں نشان اَنت۔ کشمیر ایوک ءَ جغرافیہ ءِ گپ نہ انت بلکیں انصاف ءِ گپ انت۔ وفاقی وزیر ءَ گوشت کہ مئے گمان اِنت کہ جنوبی ایشیا ءَ برجائی امن ءُ وشھالی کشمیر ءِ جیڈھ ءِ عادلانہ ءُ برجمیں گیواری ءِ سر ءَ بندوک اِنت۔ اے روچ یک یات ءِ کہ ما دمگی دیمروئی، تجارت ءُ رابطہ ءِ ھاتر ءَ یقینی ءِ سرا کوشست کنگ ءَ ایں بلے کشمیری راج ءِ حق ءُ شرپ ءِ سرا ہچبر سازش نہ کنیں۔