کشمیری راج ءَ بھارت ءِ پیسلہ ءَ را سدک رد کتگ ءُ آجوئی ءِ ھاترا وتی جہد ءَ را مھکمیں رنگ ءَ برجاہ دارگ ءَ انت، وفاقی وزیر محمد حنیف عباسی

لاہور۔5اگست  (اے پی پی): ریلوے ءِ وفاقی وزیر محمد حنیف عباسی ءِ لگت مالی ءِ روچ ءِ سر ءَ ھاسیں کلوہ۔ ریلوے ءِ وفاقی وزیر محمد حنیف عباسی ءَ لگت مالی ءِ روچ ءِ موہ ءَ کشمیری الس ءِ گوما یکوئی ءِ درشانی کنان ءَ گوشت کہ 5اگست 2019 راجدپتر ءِ سیاہیں باب اِنت، وھدے کہ مودی حکومت ءَ یک نیمگی ءَ جموں ءُ کشمیر ءِ جھیڑوی بستار ھلاس کتگ ءُ بھارت ءِ آئین ءِ آرٹیکل ءُ35 رد کتگ۔ سئے شمبے ءِ روچ ءَ ریلوے ہیڈ کوارٹر ءِ نیمگ ءَ جاڑی بوتگیں کلوہ ءِ رد ءَ وفاقی وزیر ءَ گوشت کہ بھارت ءِ اے غیر آئینی ءُ ناجائزیں گامگیج کشمیری آنی وت واجئی ءِ ھک ءِ سر ءَ پچیں اُرش اِنت۔ نہ کشمیریاں اے گامگیج من اِتگ ءُ نہ پاکستان ءَ ءُ نہ میان استمانی چاگرد ءِ شعوری دمگاں من اِتگ۔ آئی ءَ گوشت کہ پاکستان ءَ مدام ھمت ءُ دلی ءَ گوں کشمیری آنی موقف ءِ وکالت کتگ۔ کشمیری راج ءَ بھارت ءِ اے پیسلہ ءَ را سدک رد کتگ ءُ انگت ءَ وتی آجوئی ءِ جہد ءَ گوں مھکمیں رنگے ءَ برجاہ دارگ ءَ اِنت۔ محمد حنیف عباسی ءَ گوشت کہ کشمیری الس مقبوضہ کشمیر ءَ بہ بنت یا آزات کشمیر ءَ بہ بنت پاکستان ءَ گوں وتی وابستگی ءِ سر ءَ فخر ءِ احساس بیت۔ آ پاکستان ءِ سوبمندی ءَ وتی سوبمندی سرپد بنت ءُ "کشمیر بانے گا پاکستان” ءِ نعرہ ءَ وتی ایمان ءِ بہر سرپد بنت۔ آئی ءَ گیش تران کت کہ یاسین ملک ءِ وڑیں ہریات ءِ راہشون ہندوستان ءِ جیلاں بند انت بلے کشمیری راج ءِ حوصلہ ءُ جزبگ ءَ ہچ وڑیں کمی نہ بوتگ۔ ہندوستان ءِ سازش ءُ ریاستی زلم ءُ زوراکی کشمیریانی آجوئی ءِ جزم ءَ ہلاسی ءَ ناکام بوتگ انت۔ وفاقی وزیر ءَ امیت سہرا کت کہ کشمیری آنی قربانی المی ءَ پائدگ دینت ءُ آجوئی ءِ روچ زوت چست بیت۔ آئی ءَ گوشت کہ "کشمیر بانے گا پاکستان” ایوک ءَ یک نعرہ ءِ نہ انت بلکینگ ءَ سرجمیں پاکستانی راج ءِ ایمان انت، ءُ آ روچ دور نہ انت کہ کشمیر پاکستان ءِ نا بہر ءُ بانگ ءِ بہر جوڑ بیت۔