کشمیری لگت مالی ءِ روچ ءِ سر ءَ وفاقی وزیر حنیف عباسی ءِ کلوہ ءِ تہ ءَ گوستگیں بھارت ءُ پاک جنگ ءِ تہ ءَ پاکستان ءِ سوبمندی ءِ سر ءَ فخر ءِ گوما روگ ءَ اَنت

راولپنڈی۔5اگست  (اے پی پی): ریلوے ءِ وفاقی وزیر محمد حنیف عباسی ءَ گوشت کہ کشمیری گوستگیں بھارت ءُ پاک جنگ ءَ پاکستان ءِ سوبمندی ءِ سر ءَ فخر ءِ گوما روگ ءَ اَنت، کشمیری پاکستان ءِ سوبمندی ءَ را وتی سوبمندی لیک اَنت، مرچیگیں کشمیری زان اَنت کہ آھانی قربانی ھچبر بے سوب نہ بنت،  کشمیری راج ءِ قربانی، ہندوستان ءِ پندل ءُ زلم کشمیریانی آجوئی ءِ روح ءَ ہلاس کنگ ءَ بے سوب بوتگ انت۔ اے ھیالانی درشانی وفاقی وزیر حنیف عباسی ءَ سئے شمبے ءِ روچ ءَ کشمیر ءِ لگت مالی ءِ روچ ءِ درگت ءَ وتی کلوہ ءِ تہ ءَ کت۔ وفاقی وزیر ءَ گوشت کہ 5اگست 2019 راجدپتر ءِ تہ ءَ یک سیاہیں روچ ات کہ مودی حکومت ءَ یک نیمگی رنگ ءَ بھارت ءِ آئین ءِ آرٹیکل 370 ءُ 35-اے ءِ ھلاس کنگ ءَ مقبوضہ کشمیر ءِ جنجالی جاور ھال ھلاس کت۔ مودی سرکار ءِ اے غیر آئینی گامگیج کشمیری آنی وت واجہی ءِ حق ءِ سر ءَ پدریں اُرش بوتگ۔ حنیف عباسی ءَ گشتگ کہ نہ کشمیری آں، نہ پاکستان ءَ، نہ دنیا ءِ شعوری راجاں ہندوستان ءِ گامگیج ءَ را من اِتگ، کشمیری راج ءَ ہندوستان ءِ اے ناجائزیں پیسلہ ءَ را سدکی ءَ رد کتگ۔ آئی ءَ گوشت کہ پاکستان ءَ مدام جھان ءِ تک ءَ کشمیری آنی واستہ دلیری ءُ جزم ءِ گوما جنگ کتگ۔ حنیف عباسی ءَ گشتگ کہ الحمد اللہ مرچی کشمیری چہ مقبوضہ کشمیر ءَ بہ بنت یا آزات کشمیر ءَ چہ پاکستان ءِ گوں وتی وابستگی ءَ فخر کن انت۔کشمیری راج پاکستان ءِ مہر ءِ تہا ڈوب انت ءُ وتی وفاداری ءِ درشان ءَ گوں فخر ءَ کنگ ءَ انت۔ کشمیری وتی پاکستانی پجار ءِ سرا فخر ءِ احساس ءَ کن انت۔ محمد حنیف عباسی ءَ گوشت کہ یاسین ملک ءِ وڑیں آجوئی لوٹوکیں مردم ھندی جیل آنی تہ ءَ اَنت بلے کشمیری راج ءِ تب ءُ مئیل بے مٹ اِنت، کشمیری آنی مھکمیں تب ءُ مئیل کمے ھم نہ کپتگ، مودی ءِ اُرش ناکام بوتگ، کشمیری آنی وت واجہی ءِ ھک چہ ءَ گیش اِنت۔ وفاقی وزیر ءَ گوشت کہ ان شاءاللہ کشمیری آنی ابدی قربانی آناں یقینی رنگ ءَ پائدگ رس ایت، آجوئی ءِ روچ زوت شپ بیت، زلم ءُ زوراکی ءِ دراجیں شپ نوں آسر بوھگ ءَ اِنت، ’’کشمیر پاکستان جوڑ بیت‘‘ ایوک ءَ نعرہ نہ اِنت، بلکیں مئے ایمان، آیوکیں نسل آں اے نعرہ ءِ گوشدارگ ءَ گوں وتی “ پاکستان جوڑ بہ بیت!” آئی ءَ گوشت کہ کشمیر ءِ آجوئی انوگ ءَ دور نہ انت، آ روچ زوت کئیت کہ کشمیر پاکستان ءِ نا بہر ءُ بانگ ءِ بہر جوڑ بیت۔