نائب مزن وزیر محمد اسحاق ڈار ءَ امارات ءُ آئی ءِ ادارگ آنی نیمگ ءَ چہ سرمایہ کاری پورٹ فولیو ءِ دیمروئی ءِ واستہ کمیٹی ءِ دیوان ءِ سروکی کنگ ءَ انت

اسلام آباد۔5اگست  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ امارات ءُ آئی ءِ ادارگ آنی نیمگ ءَ چہ سرمایہ کاری ءَ را گیش کنگ ءِ واستہ سرمایہ کاری پورٹ فولیو ءِ جوڑ کنگ ءِ کمیٹی ءِ دیوان ءِ سروکی ءَ کت۔ وزارت ءِ درئی کار ءِ جارکش ءِ رد ءَ گند ءُ نند ءِ تہ ءَ وزارت ھزانگ، توانائی، پٹرولیم، اقتصادی کار، درئی کار، نجکاری، ایس آئی ایف سی، محکمہ پنجاب انرجی، فوجی فاؤنڈیشن ءُ اٹارنی جنرل برانچ ءِ مزنیں کارندہ آں بھر زوری کتگ۔ اے موہ ءِ سر ءَ دوئیں ملک آنی وت مہ وتی نپ ءِ واستہ امارات ءَ چہ سرمایہ کاری ءِ روانی ءَ را آسراتی ءُ ترند کنگ ءِ واستہ اولویت ءِ شوبگ آناں پجارینگ، کلیدی چیلنج آنی گیواری ءُ ادارگ آنی نیام ءَ ھمگرنچی ءَ را گیش کنگ ءِ ھوالگ ءَ گپ ءُ تران کنگ بوت۔ نائب مزن وزیر ءُ وزیر ءِ درئی کار ءَ دراجیں مدت ءِ اقتصادی کمک ءَ را دیمروئی دیگ ءُ پاکستان ءِ سرمایہ کاری ءِ سرجمیں گنجائش ءَ را سرجم کنگ ءِ سر ءَ حکومت ءِ دلگوشی ءِ سر ءَ زور پر دات۔