جموں ءُ کشمیر ءِ جھیڑوی جاور ھال ءِ بدل کنگ ءِ ھاترا یک نیمگی ءُ ناجائزیں بھارتی گامگیج اقوام متحدہ ءِ منشور ءِ ھاسیں خلاف ورزی اِنت، نائب مزن وزیر ءُ درئی کارانی وزیر محمد اسحاق ڈار ءِ لگت مالی ءِ روچ ءِ  درگت ءَ کلوہ

اسلام آباد۔5اگست  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ بھارت ءَ وتی ناجائزیں رنگ ءَ قبضہ کتگیں جموں ءُ کشمیر ءِ جھیڑوی جاور ھال ءِ بدل کنگ ءِ واستہ بازیں یک نیمگی ءُ ناجائزیں گامگیج چست کتگ کہ اے اقوام متحدہ ءِ منشور، سلامتی کونسل ءِ قرارداد ءُ میاں اوستمانی کانود ءِ ھاسیں ھلاپ ورزی اِنت۔ کشمیری گوستگیں ہفت دہائی ءَ چہ اقوام متحدہ ءِ سلامتی کونسل ءِ وعدہ آنی پیلو کنگ ءِ ودار ءَ انت۔ اے وھد ءِ لوٹ اِنت کہ میاں اوستمانی براتی بھارت ءِ سر ءَ زور بہ دنت کہ آ وتی ناجائزیں قبضہ ءِ جموں ءُ کشمیر ءَ انسانی ھکانی لگتمالی ءَ را ھلاس بہ کنت ءُ اقوام متحدہ ءِ سلامتی کونسل ءِ ھمگرنچیں قرارداد آنی سر ءَ عمل بہ کنت۔ اسلامی جمہوریہ پاکستان ءِ نائب مزن وزیر / درئی کارانی وزیر سینیٹر محمد اسحاق ڈار ءَ 5 اگست 2025 ءِ لگت مالی ءِ روچ ءِ سر ءَ وتی کلوہ ءِ تہ ءَ گوشت کہ اے روچ ءَ شش سال پیسر بھارت ءَ بازیں یک نیمگی ءُ ناجائزیں گامگیج چست کتگ اَنت کہ ایشی ءِ تہ ءَ بھارتی قبضہ ءِ جھیڑوی جاور ھال بدل کنگ بوتگ اَنت۔ بین الاقوامی تک ءَ منگ بوتگیں جھیڑوی جاور ھال ءَ نزور کنگ ءُ ھندی قبضہ ءَ را مھکم کنگ۔ وزیر ءِ درئی کار ءَ گوشت کہ 5اگست 2019 ءَ چہ بھارت ءَ مقبوضہ کشمیر ءِ ڈیموگرافک ڈھانچہ ءُ سیاسی ندارگ ءِ بدل کنگ ءِ واستہ بازیں کانود دیم ءَ آؤرتگ۔ غیر کشمیری آں ڈومیسائل سرٹیفکیٹ ءِ جاری کنگ ، ووٹر لسٹ ءِ تہا عارضی مہلوک ءِ ھوار کنگ ، اسمبلی ءِ حلقہ ءِ حد بندی ءِ بدل کنگ ، زمین ءُ جائیداد ءِ ملکیت ءِ قانونانی تہا ترمیم کنگ ءُ نام نہاد گورنر ءَ را انتظامی اختیارات دیگ ءِ وڑیں انتہا پسندیں گامگیج ءِ رد ءَ یونائیٹڈ  نیشن ءِ منوگری آنی   ھاسیں خلاف ورزی انت۔ چارمی جنیوا کنونشن ءِ سرا نبشتہ کتگ۔ اسحاق ڈار ءَ گوشت کہ لکاں ھندی اُرد آنی ساڑی ءَ گوں ھندی مقبوضہ کشمیر دگنیا ءِ فوجی ترین زون آنی تہ ءَ یک جوڑ بوتگ۔ ہزاراں کشمیری سیاسی بندیگ سالانی سال اِنت کہ جیلاں چہ زہرشانی کنگ ءَ اَنت۔ آئی ءَ گوشت کہ کشمیری اھوالکار ءُ انسانی ھک آنی کارکن آنی گوں بدیں سلوک ءَ بھارت ءِ اختلاف ءِ سرکوب کنگ ءِ کوشست آناں گیش پدر کتگ۔ نائب مزن وزیر ءُ وزیر ءِ درئی کار ءَ گوشت کہ پہلگام ءِ وئیل ءَ پد بندات بوتگیں مزنیں کچے ءَ کاروائی ءَ اے گپ ثابت کت کہ بھارت انگت ءَ وتی ناجائزیں رنگ ءَ قبضہ کتگیں جموں ءُ کشمیر ءَ را کالونی لیک ایت۔ پاکستان ءُ بھارت ءِ نیام ءَ گوستگیں جنگ ءُ جیڑہ یک رندے پدا جنوبی ایشیا ءَ دائمی امن ءِ واستہ جموں ءُ کشمیر ءِ جیڈھ ءِ پرامن گیواری ءِ زوتیں ضلورت ءِ پدر کنگ ءَ انت۔ کشمیری گوستگیں ہفت دہائی ءَ چہ اقوام متحدہ ءِ وتی وعدہ ءِ پیلو کنگ ءِ ودار ءَ انت۔ اے وھد اتکگ کہ میاں اوستمانی براتی بھارت ءِ سر ءَ زور بہ دنت کہ آ وتی ناجائزیں قبضہ ءِ جموں ءُ کشمیر ءَ انسانی ھکانی لگتمالی ءَ را ھلاس بہ کنت ءُ اقوام متحدہ ءِ سلامتی کونسل ءِ ھمگرنچیں قرارداد آنی سر ءَ عمل بہ کنت۔ پاکستان کشمیری راج ءِ وت واجہی ءِ حق ءِ واستہ جائزیں جہد ءِ سرجمیں اخلاقی، سفارتی ءُ سیاسی کمک ءَ برجاہ دار ایت۔