مزن وزیر شہباز شریف ءَ چار ءُ تپاسی دیوان ءَ گوں گشتانک دیان ءَ  دھکان آناں    کم ھرچ ءُ درچ ءِ وام دیگ حکومت ءِ اولی ترجی آنی تہ ءَ ھوار اِنت

اسلام آباد۔5اگست  (اے پی پی): مزن وزیر محمد شہباز شریف ءَ دھکان  ءُ درنیامی کشت ءُ کشاری ءِ واستہ کمیں کلدار ءِ وام ءِ آسراتی ءِ پنت ءُ شون کتگ ءُ گوشت کہ کشت ءُ کشاری ءِ واستہ کمیں کلدار ءِ وام پجاری حکومت ءِ اولی ترجی آنی تہ ءَ ھوار انت۔ زرعی پیداوار ءِ گیش کنگ ءِ ھاتر ءَ کسانیں دمگ ءِ کشت ءُ کشاری ءَ را عزت ءُ شرپ دیگ بہ بیت۔ سئے شمبے ءِ روچ ءَ مزن وزیر محمد شہباز شریف ءِ سروکی ءَ زرعی دیمروئی بینک ءِ گہتری کار ءُ کشت ءُ کشاری ءِ واستہ وام ءِ آسراتی ءِ ھوالگ ءَ چار ءُ تپاسی دیوان برجم دارگ بوت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ وفاقی وزرا رانا تنویر حسین، احد خان چیمہ، مشیر وزیر اعظم محمد علی، وزراء مملکت بلال اظہر کیانی، عبدالرحمن کانجو، معاون خصوصی ہارون اختر، گورنر سٹیٹ بنک جمیل احمد، رکن قومی اسمبلی افتخار نذیر، وزیر اعظم کے کوآرڈینیٹر مشرف زیدی، احمد عمیر  ءُ سیادی داروکیں کارندہ آں بھر زوری کت۔  مزن وزیر ءَ دیوان ءَ گوں گشتانک دیان ءَ گوشت کہ کسانیں  دھکان آناں  کم ھرچ ءُ درچ ءِ وام ءِ گرگ ءِ واستہ بے دروریں مشکلات ءِ آماچ انت، ءُ کسانیں کشت ءُ کشاری ءِ لوٹ آناں پیلو کنگ ءِ واستہ کم ھرچ ءُ درچ ءِ وام پھجاری حکومت ءِ اولی ترجی آنی تہ ءَ یک انت۔ آئی ءَ زرعی دیمروئی بینک ءِ گہتری ءِ واستہ گہتری کار آنی سر ءَ عمل کنگ ءَ را ترند کنگ ءِ پنت ءُ شون کت ءُ نجی بینک آناں کسانیں کشت ءُ کشاری آناں آسانیں شرت آنی سر ءَ کم ھرچ ءُ درچ ءِ وام دیگ ءِ واستہ دلبڈی دیگ ءِ پنت ءُ شون کت۔ آئی ءَ گوشت کہ زرعی دیمروئی بینک ءِ نیمگ ءَ چہ کتگیں گامگیج ءُ کشت ءُ کشاری ءَ را وام ءِ پھجاری ءِ ھوالگ ءَ ہر سئے ہفتگ ءَ پد دیوان ءِ ذاتی سروکی ءَ کناں۔ گند ءُ نند ءَ کشت ءُ کشاری دیمروئی  پڑ  ءِ تہ ءَ برجاھیں گہتری کار، ایشی ءِ کارکردگی ءُ آیوکیں ایکشن پلان ءِ ھوالگ ءَ سرپد کنگ بوت۔ گند ءُ نند ءَ پرائیویٹ بینک آنی نیمگ ءَ کشت ءُ کشاری ءِ شوبگ ءَ وام پجاری ءِ ھوالگ ءَ ھم سرپد کنگ بوت۔ گند ءُ نند ءَ زرعی دیمروئی بینک ءِ کارکردگی ءَ را گہتر کنگ ءُ وام آنی تہ ءَ آسراتی ءِ واستہ جتاجتائیں سوج ءُ پنت ھم کنگ بوت۔