پاکستان ءُ یورپی یونین ءِ نیام ءَ مھکمیں سیادی دمگی برجائی ءُ جھان ءِ ایمنی ءِ تہ ءَ ھاسیں کرد پیلو کن اَنت، صدر آصف علی زرداری ءَ گوں ڈاکٹر رینا کیونکا ءَ گند ءُ نند ءَ گپ ءُ تران کت

اسلام آباد۔5اگست  (اے پی پی): صدر آصف علی زرداری ءَ گوشت کہ پاکستان ءُ یورپی یونین ءِ نیام ءَ مھکمیں سیادی دمگی برجائی ءُ جھان ءِ ایمنی ءِ تہ ءَ مزنیں کردے پیلو کن اَنت۔ یورپی یونین پاکستان ءِ مزنیں تجارتی ءُ سرمایہ کاری شریکاں چہ یکے ۔ پاکستان یورپی یونین ءِ گوما وتی کثیر نیمگی سیادی ءَ را ھاسیں ارزشت ءَ دنت ۔ تجارت، چاگرد، ہجرت ءُ دمگی امن ءِ وڑیں مشترکہ مول ءُ مراد پاک یورپی شریکداری ءَ را گیش مھکم کنت۔ سئے شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے ھیالانی درشانی پاکستان ءَ یورپی یونین ءِ سفارتی مشن ءِ درکپوکیں سروک ڈاکٹر رینا کیونکا ءَ گوں صدر ءِ مملکت ءَ الوداعی گند ءُ نند ءِ ساھت ءَ کت۔ آئی ءَ گوشت کہ پاکستان یورپی یونین ءِ گوما وتی کثیر نیمگی سیادی آناں ھاسیں ارزشت ءَ دنت ۔ پاکستان ءُ یورپی یونین ءِ نیام ءَ مھکمیں سیادی دمگی برجائی ءُ جھان ءِ ایمنی ءِ تہ ءَ ھاسیں کرد پیلو کن اَنت۔ یورپی یونین پاکستان ءِ مزنیں تجارتی ءُ سرمایہ کاری شریکاں چہ یکے ۔ سرمایہ کاری شریکیں مردمانی تہا ھوار انت۔ صدر آصف علی زرداری ءَ گوشت کہ ایراسمس منڈس ءُ ہاریزن یورپ ءِ پروگرام پاکستان ءِ ورنا آنی واستہ ارزشتی ایں وانگ ءُ زانگ ءُ پٹ ءُ پولی موہ پجاری کن اَنت، پاکستان پاک یورپی اسٹریٹجک انگیجمنٹ پلان  ءِ سرجمی ءَ عملدرآمد ءِ واستہ جزمیگ اِنت۔ آئی ءَ گوشت کہ یکجائی مول ءُ مراد چوشکہ تجارت، چاگرد، ہجرت ءُ دمگی امن پاکستان ءُ یورپی یونین ءِ شریکداری ءَ را گیش مھکم کن اَنت۔ صدر آصف علی زرداری ءَ پاک یورپی یونین ءِ سیادی ءِ دیمروئی ءِ تہ ءَ ڈاکٹر رینا کیونکا ءِ ھزمت آناں ساڑات ءُ یورپی یونین ءِ ڈل ءِ چہ کار ءَ درکپوکیں سروک ءَ را نیکیں واھگ آنی درشان کت۔