صدر آصف علی زرداری نا ڈاکٹر رینا کیونکا تون اوڑدہی ٹی گپ وتران

اسلام آباد۔ 05 اگست (اے پی پی) صدر مملکت آصف علی زرداری پارینے کہ پاکستان و یورپی یونین نا سوگو تعلقداری ڈیہہ انا سوگوی و جہانی سلامتی ٹی اہم کڑد ادا کیک، یورپی یونین پاکستان نا بھلا واپاری و زرکاری شریدار آتیٹی اوار ءِ، پاکستان یورپی یونین تون تینا کثیر الجہتی تعلقداری تے خاص اہمیت ایتک، واپار، چاگڑد، ہجرت و علاقائی امن کون آ اسیجائی ہدف پاک۔ یورپی شریداری ءِ پین سوگوی ایتک۔ سے شنبے نادے آ ایوان ءِ صدر نا پریس ونگ آن جاری بیان نا رداٹ صدر مملکت داخیال آتا درشانی ءِ پاکستان اٹی یورپی یونین نا سفارتی مشن نا دزکش مروک سروک ڈاکٹر رینا کیونکا تون ایوان ءِ صدر اٹی سپاروکی اوڑدہی ٹی کرے۔ اوپارے کہ پاکستان یورپی یونین تون تینا کثیر الجہتی تعلقداری تے خاص اہمیت ایتک، پاکستان و یورپی یونین نا سوگو تعلقداری ڈیہہ انا سوگوی و جہانی سلامتی ٹی اہم کڑد ادا کیک ، یورپی یونین پاکستان نا بھلا واپاری و زرکاری شریدارآتیٹی اوار ءِ۔ صدر آصف علی زرداری پارے کہ ایراسمس منڈس و ہورائزن یورپ پروگرام پاکستان نا ورناتیکن نہادی تعلیمی و پٹ وپولی وارخواہی فراوان کیک، پاکستان پاک۔ یورپی اسٹریٹجک انگیجمنٹ پلان آ پورو عملدرآمد کن سنبرینگوک ءِ۔ اوپارے کہ واپار، چاگڑد، ہجرت و علاقائی امن کون آ اسیجائی ہدف پاک۔ یورپی شریداری ءِ پین سوگوی ایتک۔ صدر آصف علی زرداری ڈاکٹر رینا کیونکا نا پاک۔ یورپی یونین نا مون آ دننگ اٹ خذمت آتا ستاءِ کرسا دزکش مروک یورپی یونین ڈل انا سروک کن نیک است خواہی نا درشانی ءِ کرے۔