بنجائی وزیر پروفیسر احسن اقبال نا یوم استحصال کشمیر آکلہو

اسلام آباد۔ 05 اگست (اے پی پی) بنجائی وزیر ڈٹ بندی، شونداری وخصوصی گام گیج پروفیسر احسن اقبال پارینے کہ پنچ اگست 2019 تاریخ ناہمو تہار دے ءِ ہراتم بھارت اقوام متحدہ نا قرارداد و جہانی کانود نا خلاف ورزی ءِ کرسا جموں وکشمیر نا جھیڑہ ئی حیثیت ءِ اسہ کنڈی وڑاٹ چٹفنگ نا کوشست کرے۔ یوم استحصال کشمیر نا وخت آ تینا کلہو اٹی اوپارے کہ بھارت نا دا گام نئے بیرہ غیرکانودی و غاصبانہ ءِ بلکن کشمیری الس نا حق خودارادیت آ آجوجلہو ہم ارے۔ اوپارے کہ بھارت مقبوضہ کشمیر اٹی ظلم و جور انا کمک اٹ کشمیری تا توار ءِ توننگ خواہک، ولے ظلم انا ہچ ءُ عمر اس مفک۔ کشمیری الس نا جہد آجوئی اینوہم زندہ ءِ و پدریسہ برجاءِ، دا تحریک ءِ ہرپڑی دترپوسکن ءُ توانائی و عزم اس تننگ ءِ۔ بنجائی وزیرپارے کہ پاکستان کشمیری الس تون پورو یکجہتی نادرشانی ءِ کیک و اوفتا حق خودارادیت نا پبی سیاسی، اخلاقی و سفارتی مخ تفی ءِ برجاتخک۔ اوجہانی برادری آ زور شاغا کہ او دا غیرکانودی گام انا نوٹس ءِ ہلے وکشمیری الس ءِ اوفتا روا حق ترفنگ کن عملی گام گیج کے۔ پروفیسر احسن اقبال پارے کہ ننے پورو یقین ءِ کہ انشاء اللہ ہمودے ضرور بریک ہراتم جموں وکشمیر نا مظلوم الس آجوئی نا دے ءِ دے ٹک ترسا خنک، انشاء اللہ کشمیرجوڑ مریک پاکستان۔