یوکرین جھیڑہ ٹی پاکستانی شاری تا اوار مننگ نا دوبہ غاک بے بنداو ءُ، ترجمان دفترخارجہ

اسلام آباد۔ 05 اگست (اے پی پی) پاکستان ناحکومت یوکرین نا جھیڑہ ٹی پاکستانی شاری تا اوار مننگ نا بابت بے بنداو و بیدس شاہدی آن دوبہ غاتے سختی اٹ مسترد کیک۔ ترجمان دفترخارجہ تینا بیان اٹی پارے کہ داتم اسکان یوکرینی کمامدارآتا کنڈآن پاکستان تون باضابطہ وڑاٹ ہچ ءُ رابطہ اس کننگتنے و نئے داوڑنا دعویٰ تے پک کننگ کن پت انا قابل شاہدی پیش کننگانے۔ ترجمان پارے کہ پاکستان نا حکومت داباندات ءِ یوکرینی کمامدارآتون ہرفک و داچرجوئی ٹی وضاحت بٹنگک۔ پاکستان اقوام متحدہ نا چارٹرنا اصول آتا رداٹ، مکالمہ و سفارت کاری نا کمک اٹ یوکرین جھیڑہ نا پرامن ایسری نا تینا عزم انا درشانی ءِ کیک۔