اسلام آباد۔ 05 اگست (اے پی پی) بنجائی وزیر بحری امور جنید انوار چوہدری پارینے کہ بھارت کشمیرنا خصوصی حیثیت ءِ چٹفسا انسانی حق آتے لتاڑا، جہانی برادری کشمیری تا حق خودارادیت نا مخ تفی ءِ کے۔ یوم استحصال کشمیر آ بنجائی وزیر بحری امور محمد جنید انوار چوہدری تینا کلہواٹی پارے کہ کشمیری الس تون پورو یکجہتی نا درشانی ءِ کینہ، 5 اگست 2019 نا بھارتی گام گیج اقوام متحدہ نا قراردادآتا خلاف ورزی ءِ۔ اوپارے کہ کشمیری تا پرامن جہد ءِ توننگ مفک، نن کشمیری الس نا انسانی، سیاسی وجمہوری حق اتون سلوک اُن، پاکستان کشمیری تا حق خودارادیت نا مخ تفی ءِ برجاتخک، کشمیری تے حق تننگ آن بیدس ڈیہہ اٹی پائیدار امن ممکن اف، یوم استحصال کشمیر ظلم انا برخلاف و انصاف نا حق اٹی توار بڑزکننگ نادے ءِ۔
