کشمیری تا آجوئی و حق خودارادیت نا کوشست آتے توننگ مفک، بنجائی وزیر ہاؤسنگ

اسلام آباد۔ 05 اگست (اے پی پی) بنجائی وزیر ہاؤسنگ اینڈ ورکس میاں ریاض حسین پیرزادہ یوم استحصال آ تینا کلہو اٹی پارینے کہ 1947آن ننا کشمیری ایلمک تینا آجوئی و وتواجہی کن جہد کننگ ءُ۔ 5 اگست 2019 آ بھارت آرٹیکل 370 و 35اے ءِ اسہ کنڈی منسوخ کرے۔ بھارت داعمل آن کشمیر نا خصوصی حیثیت ءِ چٹفنگ نا غیرکانودی و قابل مذمت گام اس ہرفے ۔ ریاض حسین پیرزادہ پارے کہ دا گام آن پد کشمیر اٹی بے تحاشا ظلم کننگا و کشمیری سرکڑدہ غاتے زندان تیٹی بند کننگا۔ کشمیری تا آجوئی و حق خودارادیت نا کوشست آتے اسہ وڑاسے ٹی ہم توننگ مفک پاکستان مدام تینا کشمیری ایلم تا دا جہد اٹی اوفتے تون تفینے۔ مچ آ دنیا ٹی دا ظلم انا برخلاف توار بڑز کننگک ولے ظالم تینا ظلم آ ن باز بفک۔ پاکستان آخبت ہم کشمیری تا دا حق اکن توار بڑزکرسا کیک۔ کشمیر ننا شہ رگ ءِ و کشمیری تتون ننا مذہبی اخلاقی و خونی رشتہ ءِ۔ حکومت پاکستان، فوج و الس پاکستان مدام تینا کشمیری ایلم تتون سلوک ءُ۔ دعاءِ کہ زوت کشمیری الس ءِ اوفتا روا حق دُوبرے و کشمیر نا ویل اوفتا است خواہی تا رداٹ ایسر مرے۔