اسلام آباد۔ 05 اگست (اے پی پی) وزیراعظم نا خصوصی کمکار صنعت و پیدوار ہارون اخترخان پارینے کہ 5 اگست 2019 آ بھارت نا اسہ کنڈی گام گیج اقوام متحدہ نا قرارداد و جہانی کانود آتا پاش آن پاش خلاف ورزی ئس، کشمیر پاکستان نا شہ رگ ءِ و نن وخت اس ہم بھارت نا غیرکانودی کوزہ ءِ امنا کپنہ۔ داخیال آتا درشانی ءِ او یوم استحصال نا وخت آ جاری تینا کلہو اٹی کرے، داہرسال 5 اگست آ بھارت نا کنڈآن آرٹیکل 370 و35اے انا غیرکانودی منسوخی نا مذمت نا وڑاٹ اڈتننگک ۔ ہارون اخترخان پارے کہ 5 اگست 2019 آ بھارت نا اسہ کنڈی گام گیج اقوام متحدہ نا قرارداد و جہانی کانود نا پاش آن پاش خلاف ورزی ئس۔ خصوصی کمکار زورشاغساپارے کہ کشمیر پاکستان نا شہ رگ ءِ و پاکستان وخت اس ہم بھارت نا غیرکانودی کوزہ ءِ امنا کپک۔ اومقبوضہ کشمیر اٹی فوجی گھیڑ، انسانی حق انا بھلا خلاف ورزی و میڈیا غا پورو پابندی نا ترندی اٹ مذمت ءِ کرے ہرابھارت نا دا گام گیج آتیان پد نافذ کننگاسس۔ اوناپاننگ ئس کہ 5 اگست کشمیری الس نا حق خودارادیت آ جلہو نا نشانی ءِ۔ ہارون اخترخان کشمیری الس کن پاکستان نا سیاسی، سفارتی و اخلاقی مخ تفی نا عزمءِ دُوارہ کرساپارے کہ دا مخ تفی ہمووخت اسکان برجاسلک ہراتم اسکان کشمیری الس نا است خواہی نا رداٹ کشمیرنا ویل ایسر مفک۔ اوجہانی برادری آن خواست کرے کہ او مقبوضہ جموں وکشمیر اٹی مروک آ بھارتی ظلم انا نوٹس ءِ ہلے و انصاف نا فراوانی ٹی تینا کڑد ءِ ادا کے۔ اوپارے کہ 5 اگست کشمیری الس نا بے شمار قربانی تے یات کننگ و اوفتا روا جہد تون یکجہتی نا عزم ءِ دُوارہ کننگ نا دے ءِ۔
