پولیس ءِ شہیداں وتی مرچی قربان کتگ پہ راج ءِ ایمنی ءِ واستہ   ، وفاقی وزیر ریلوے

اسلام آباد۔4اگست  (اے پی پی): ریلوے ءِ وفاقی وزیر محمد حنیف عباسی ءَ پولیس شہید آنی روچ ءِ موہ ءَ ناشرکاری ءِ ھلاپ ءَ جنگ ءَ وتی جان ندر کنوکیں پولیس شہید  آناں یات پیش کنان ءَ گوشت کہ پولیس شہید  مئے راج ءِ راستیں ھیرو اَنت، آھاں امن ءُ ایمنی ءِ واستہ وتی استحکام ءِ بنیات ایر کتگ۔ پولیس شہیدانی روچ پولیس ءِ قربانی، وفاداری ءُ راجی جذبہ ءِ یک روشنیں بابے، کہ مدام یات کنگ بیت۔ دوشمبے ءِ روچ ءَ وزارت ریلوے ءِ نیمگ ءَ جاڑی بوتگیں بیان ءِ تہ ءَ محمد حنیف عباسی ءَ گوشت کہ پولیس کارندہ آناں ملک ءِ دژمنیں عناصر آنی ھلاپ ءَ بہادری ءَ گوں جنگ کتگ ءُ ایشانی تہ ءَ ھزاراں مردم ءَ وتی جان ندر کنان ءَ راج ایمن کتگ۔ آئی ءَ گیش گوشت کہ پولیس شہید اں راج ءِ امنیں باندا ءِ واستہ وتی سر ندر کتگ اَنت، راج ایشانی ندر کنگ ءَ ھچبر شموشکار نہ بیت۔ آئی ءَ گوشت کہ ریاستی امن، راجی شرپ ءُ الس ءِ رکھینگ ءِ واستہ پولیس ءِ کرد زرین باب انت۔ ریلوے ءِ وفاقی وزیر ءَ گوشت کہ ناشرکار آنی ھلاپ ءَ فرنٹ لائن ءَ جنگ کنوکیں پولیس شہید  راج ءِ مزنیں رکھوک اَنت ایشاں ھمک محاذ ءَ بھادری ءُ دلیری ءَ گوں دژمن ءِ گوما جنگ کتگ۔ پولیس ءِ کارندہ آں وتی ھوناں گوں امن ءِ یک انچیں راجدپتر جوڑ کتگ کہ ایشی ءِ سر ءَ سرجمیں راج ءَ پھر انت۔ محمد حنیف عباسی ءَ اے جزم ءِ پدا زور پر دات کہ ریلوے پولیس ءَ ھوار توامیں ادارگ شہید آنی مشن ءَ دیم ءَ برگ ءَ انت ءُ پولیس شہید آنی کھول کدی تہنا نہ یلہ کنگ بنت، وزارت ریلوے ہر گام ءَ آہانی گوما اوشتاتگ انت۔ آئی ءَ گوشت کہ پولیس شہید  آنی روچ قربانی، وفاداری، ءُ راجی جذبہ ءِ یک چمکداریں مثال اِنت، کہ مدام یات کنگ بیت۔