گلگت۔4اگست (اے پی پی): مزن وزیر محمد شہباز شریف یک روچی تر ءُ تاب ءِ واستہ گلگت ءَ شتگ۔ دوشمبے ءِ روچ ءَ ادا سر بوھگ ءَ پد گلگت بلتستان ءِ گورنر سید مہدی شاہ ءُ سر وزیر گلبر خان ءَ مزن وزیر ءَ را وش اتک کت۔ وفاقی وزیرمواصلات عبدالعلیم خان، وفاقی وزیر اھوالکاری ءُ شنگ کاری عطاء اللہ تارڑ، وزیربرائے امور کشمیر ءُ گلگت بلتستان انجینئر امیر مقام، وزیر برائے موسمیاتی تبدیلی ڈاکٹر مصدق ملک،مزن وزیر ءِ مشیر رانا ثناء اللہ ءُ مزن وزیر ءِ کوآرڈینیٹر شبیر عثمانی ھم مزن وزیر ءِ ھمبراہ ات۔ تر ءُ تاب ءِ ساھت ءَ مزن وزیر ھور ءُ ھئور ءَ آماچیں مردماں گوں گند ءُ نند کنت ءُ آوانی نیام ءَ کمکی زرّ بھر ءُ بانگ کنت۔ مزن وزیر ءَ را گوستگیں روچاں گلگت بلتستان ءَ ھور ءِ سبب ءَ بوتگیں تاوان ءِ ھوالگ ءَ سرپد کنگ بیت۔ مزن وزیر ءَ گوں گلگت بلتستان ءِ گورنر ءُ سر وزیر ءَ گند ءُ نند کنگ بیت۔
