پولیس ءِ شہیداں چہ 4 اگست ءَ ملک ءِ تہی ایمنی ءِ نگہباناں ندر کنگ بیت کہ آہاں ریاستی حکومت ءِ ضمانت ءِ ھاتر ءَ وتی گران بھائیں جان قربان کتگ انت، وزیر داخلہ محسن نقوی

اسلام آباد۔4اگست  (اے پی پی): وفاقی وزیر داخلہ محسن نقوی ءَ پولیس ءِ درستیں شہید آناں یات ءُ شگر ءُ منت گپت ءُ گوشت کہ 4اگست ملک ءِ تہی سلامتی ءِ نگہبان آناں ندر کنگ بیت کہ آہاں ریاستی حکومت داری ءِ ھاتر ءَ وتی گران بھائیں جان ندر کتگ۔ دوشمبے ءِ روچ ءَ پولیس شہید آنی روچ ءِ درگت ءَ وفاقی وزیر داخلہ ءَ وتی کلوہ ءِ تہ ءَ گوشت کہ من پولیس ءِ توامیں شہید  آناں سلام پیش کناں، ھما مزنیں محافظ آناں سلام پیش کناں کہ آ شہید  ءِ مزنیں درجہ ءَ سر بوتگ اَنت ءُ بے مَرگ بوتگ اَنت۔ آئی ءَ گوشت کہ ناشرکاری، جرم ءُ چاگرد دژمنیں عناصر ءِ ھلاپ ءَ بھادری ءَ گوں جنگ ءِ وھد ءَ پولیس افسر ءُ ورنا راج ءِ بامرد اَنت۔ محسن نقوی ءَ گوشت کہ پولیس شہید اں وتی فرض ءِ پیلو کنگ ءِ وھد ءَ وتی جان ندر کتگ ءُ راجدپتر ءَ وتی جاگہ جوڑ کتگ۔ ریاست ہما مزنیں ھاندانانی مدیون انت کہ آہانی زہگاں پہ امن ءُ ایمنی ءَ وتی جان ندر کتگ انت۔ تہی کارانی وزیر ءَ گوشت کہ شہید یں ایس ایس پی اشرف مارتھ، شہید  کیپٹن مبین ءُ پولیس ءِ درستیں شہید  مئے دل آنی تہ ءَ مدام زندگ اَنت ءُ مدام زندگ بنت۔ محسن نقوی ءَ گوشت کہ ما ھمک ساھت ءَ پولیس شہید  آنی کھول ءِ ھمراہ آں ءُ ھمراہ بئیں۔ ھما راج مُدام دیم ءَ اِنت کہ وتی شہید اں شرپ بکنت۔ آئی ءَ گوشت کہ مرچی ما وتی ضمیر ءِ دیم ءَ سوڑگ کن ایں کہ ما ناں پولیس شہید اں شموشکار ایں ءُ ناں آھانی کھول ءَ ایوک ءَ یلہ کن ایں ۔