مزن وزیر شہباز شریف ءَ راجی کرکٹ ٹیم ءَ را ویسٹ انڈیز ءِ ھلاپ ءَ ٹی ٹوئنٹی سیریز ءِ سوبمندی ءِ پد ءَ مبارک بات داتگ

لاہور۔4اگست  (اے پی پی): مزن وزیر محمد شہباز شریف ءَ راجی کرکٹ ٹیم ءَ را ویسٹ انڈیز ءِ ھلاپ ءَ ٹی ٹوئنٹی سیریز ءِ سوبمندی ءِ پد ءَ مبارک بات داتگ۔ دو شمبے ءِ روچ ءَ سوشل نیٹ ورک ءِ ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ مزن وزیر ءَ پاکستان کرکٹ بورڈ ءِ چیئرمین محسن نقوی ءُ ٹیم مینجمنٹ ءَ را ھم مبارکی دات۔ مزن وزیر ءَ گوشت کہ ٹیم ورک ئُُ محنت ئِ سبب ءَ سوبمندی ئِ کلید اَنت۔ منی اُمیت اِنت کہ ٹیم آیوکیں میچانی تیاری ءَ گوں گیشتر محنت ءُ یکوئی ءَ کنت ءُ اے سوبمندی ءِ سلسلہ برجاہ بیت۔