ایران ءِ صدر مسعود پزشکیان  ءِ دو روچی پاکستان ءِ سرکاری تر ءُ تاب ءِ سرجم کنگ ءَ پد وتی ملک ءَ  واتر  روادگ

اسلام آباد۔3اگست  (اے پی پی):ایران ءِ صدر مسعود پزشکیان  ءَ پاکستان ءِ دو روچی تر ءُ تاب ءِ سرجم کنگ ءَ پد وتی ملک ءَ شتگ۔ یک شمبے ءِ روچ ءَ نورخان ایر بیس ءَ وفاقی وزیر ءِ اھوالکاری ءُ شنگکاری عطا اللہ تارڑ ءُ وفاقی وزیر ءِ اھوالکاری ریاض حسین پیرزاده ءَ شرپداریں مہمان ءَ  را روادگ کت۔ وزیر ءِ اھوالکاری ءَ ایران ءِ صدر ءَ را یک البم ءِ ھم دات کہ ایشی ءِ تہ ءَ آئی ءِ تر ءُ تاب ءِ یاتگاریں اکس ھوار اَنت۔ ایران ءِ صدر مسعود پزشکیان  ءَ وتی تر ءُ تاب ءِ وھد ءَ جوانیں وش اتک ءُ مہمان داری ءِ پد ءَ پاکستان ءِ حکومت ءِ شگر ءُ منت گپت۔ وتی نندگ ءِ ساھت ءَ صدر مسعود پیشکیشیان ءَ صدر آصف علی زرداری، مزن وزیر محمد شہباز شریف ءُ اے دگہ مزنیں کارندہ آں گوں گند ءُ نند کتگ، ایشی ءِ تہ ءَ دو نیمگی سیادی، دمگی معاملہ ءُ جھان ءِ جیڈھ آنی سر ءَ سرجمیں رنگ ءَ گپ ءُ تران کنگ بوتگ۔ تر ءُ تاب ءِ ساھت ءَ دوئیں ملک آنی نیام ءَ بازیں شعبہ آنی تہ ءَ کمک ءَ را دیمروئی دیگ ءِ واستہ بازیں معاہدہ ءُ مصداقیت آنی سر ءَ دستخط کنگ بوت۔ ایشی ءَ ابید پاک ایران بزنس فورم ءِ ھم برجم دارگ بوت ایشی ءِ تہ ءَ دو نیمگی تجارت ءِ تہ ءَ گیشی ءُ اقتصادی کمک ءَ را دیمروئی دیگ ءِ واستہ سوج آنی سر ءَ ھیال ءُ لیکہ کنگ بوت۔ انوگیں جھان ءُ دمگی جاور ھال آنی رد ءَ ایران ءِ صدر ءِ پاکستان ءِ تر ءُ تاب سک باز ھاسیں رنگ ءَ گشگ بوھگ ءَ اِنت کہ ایشی ءَ چہ دوئیں براتیں اسلامی ملک آنی نیام ءَ سیادی گیش مھکم کنگ ءَ کمک رسیت۔