پاکستان ءُ ایران ءِ نیام ءَ جتا جتائیں شوبگ آنی تہ ءَ یکوئی کمک ءِ واستہ مزنیں موہ است انت، دوئیں ملک 2028 ءَ تاں دو نیمگی تجارت ءَ را 10ارب ڈالر ءَ سر کنگ ءِ ٹارگٹ ءَ سر بوت کن اَنت، وفاقی وزیر جام کمال خان

اسلام آباد۔3اگست  (اے پی پی):وفاقی وزیر برائے تجارت جام کمال خان ءَ پاکستان ءُ ایران ءِ نیام ءَ تجارتی ءُ اقتصادی سیادی ءَ را گیش کنگ ءِ ھاترا پاکستان ءِ مھکمیں عزم ءِ سر ءَ زور پر دات ءُ دل یکیمی ءِ درشان کت کہ دوئیں ملک 2028 ءَ تاں دو نیمگی تجارت ءَ را 10 ارب ڈالر ءَ سر کنگ ءِ ٹارگٹ ءَ سر بوت کن اَنت۔ ایران ءِ صدر ڈاکٹر مسعود پزشکیان   ءِ پاکستان ءِ تر ءُ تاب۔ جام کمال خان ءَ وتی وش اتکی کلوہ ءِ تہ ءَ ایران ءِ مزن تک ءِ ڈل ءَ را وش آتک کت ءُ دوئیں ھمساھگیں ملک آنی نیام ءَ راجدپتری، دود ءُ ربیدگی ءُ جغرافیائی سیادی آناں برجاھی کت۔ آئی ءَ گوشت کہ من یک بلوچے ءِ بستار ءَ زان آں کہ ایران ءِ گوما سیمسر بیپار مئے دمگ ءِ واستہ چنچو ارزشت داریت ۔ دیوان ءِ ارزشت ھما وھد ءَ گیش سہرا بوت وھدے ایران ءِ صدر ڈاکٹر مسعود پیشمرگا ءُ پاکستان ءِ نائب مزن وزیر اسحاق ڈار ءَ ھم مراگش ءَ گشتانک دات۔ دوئیں رہشون آنی ھوار بوھگ ءَ اے جزم ءِ سر ءَ زور پر دات کہ دوئیں ملک وت مہ وتی اقتصادی کمک ءَ را نوکیں رنگ ءُ دروشم دیگ لوٹ اَنت۔ ایران ءِ صنعت، معدنیات ءُ تجارت ءِ وزیر محمد عطابک ءَ ھم فورم ءَ گشتانک دات ءُ پاکستان ءِ گوما تجارت ءُ یکجائی منصوبگ آنی دیمروئی ءِ واستہ سک باز واھشت ءِ درشان کت۔ فدرال وزیر ءَ 30 جولائی ءَ انوگیں وھد ءَ فعال بوتگیں مند ءُ پیشین ءِ مشترکہ سیم سری بازار ءِ حوالہ ءَ اے دمگ ءَ اقتصادی یکجاھی ءِ نیمگ ءَ یک مزنیں گامگیج لیک اتگ۔ آئی ءَ ایران ءَ چہ لوٹ کتگ کہ آ چگائی کوہک ءُ گبد رمضان ءَ دو یکجائی سیمسر ءِ بازاراں زوت فعال بہ کنت تانکہ سیمسر ءِ دمگ آنی معیشت ءَ را دیمروئی دیگ بہ بیت۔ جام کمال خان ءَ جار جتگ کہ پاکستان ءُ ایران ءِ آزاد تجارتی معاہدے ءِ ٹیکسٹ سرجم بوتگ، ایشی ءَ چہ باقاعدہ تجارتی فریم ورک ءِ پجارینگ بیت۔ آئی ءَ کرنسی ءُ ادائیگی ءِ جیڈھ آنی گیواری ءِ واستہ بارٹر ٹریڈ میکانزم ءِ ترندیں رنگ ءَ عمل کنگ ءِ ضلورت ءِ سر ءَ ھم زور پر دات۔ وفاقی وزیر ءَ غیر ٹیرف ءِ رکاوٹ آنی ھلاسی، کسٹم ءِ کمک ءِ دیمروئی، ٹرانسپورٹ ءِ رابطہ ءُ سیمسر ءِ بنیاتی ڈھانچہ ءِ گہتری ءَ را ھم تجارتی دیمروئی ءِ واستہ المی لیک اتگ۔ آئی ءَ گوشت کہ معدنیات، کشت ءُ کشاری ءُ توانائی ءِ شوبگ آنی تہ ءَ وت مہ وتی کمک ءِ واستہ سک باز موہ است انت۔ ایرانی سرمایہ کار آناں پاکستان ءَ سرمایہ کاری ءِ دعوت دیگ ءَ آئی ءَ گوشت کہ پاکستان حکومت جندی شوبگ ءِ بھر زوری ءُ پالیسی اصلاحات ءِ وسیلگ ءَ سرمایہ کاری ءِ موسم ءَ را گیش سازگار کنگ ءَ انت۔ جام کمال خان ءَ اے گپ ءِ ھم پدرائی کت کہ دوئیں ملک آنی نیام ءَ پاکستان ءُ ایران یکجائی اقتصادی کمیشن ءِ آیوکیں دیوان زوت برجم دارگ ءِ سر ءَ تپاک کنگ بوتگ کہ ایشی ءَ چہ تجارتی جیڈھ آنی گیواری ءُ نوکیں پڑ آنی تہ ءَ کمک ءِ دیمروئی ءِ تہ ءَ کلیدی کرد پیلو بیت۔ وفاقی وزیر تجارت ءَ وتی گڈی گپانی تہ ءَ ایران ءِ صدر ڈاکٹر پزشکیان  ءُ ایندگر شرپداریں بھر زوروک آنی منت گپت ءُ آھانی بھر زوری ءَ را دوئیں ملک آنی نیام ءَ یکجائی دیمروئی ءِ ھاترا نیک راھی ءُ عزم ءِ علامت لیک اِت۔ آئی ءَ گوشت کہ بیا اِت ما درست یکجائی ءَ وتی دیریں دوستی ءَ را یک مھکمیں اقتصادی شریکداری ءِ تہ ءَ بدل کن ایں ءُ وشھالیں باندات ءِ بنیات ءَ ایر کن ایں ۔