صدر آصف علی زرداری ءُ ایران ءِ صدر ڈاکٹر مسعود پزشکیان  ءَ گند ءُ نند کتگ، دمگی ءُ میاں اوستمانی معاملات آنی سر ءَ تفصیل ءَ گپ ءُ تران کتگ، جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ  جزم ءِ درشان

اسلام آباد ءِ سرا بوتگ۔ 3اگست (اے پی پی) صدر آصف علی زرداری ءَ گوں ایران ءِ صدر ڈاکٹر مسعود پزشکیان  ءَ ایوان ءِ صدر ءَ گند ءُ نند کت۔ گند ءُ نند ءِ تہ ءَ دوئیں ملک آنی نیام ءَ جتا جتائیں شوبگ آنی تہ ءَ وت مہ وتی کمک ءَ را گیش مھکم کنگ ءِ جزم ءِ پدا پدر کنگ بوت۔ یک شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ ایوان ءِ صدر ءَ صدر ڈاکٹر مسعود پزشکیان  ءَ را گرمیں وش اتک کتگ۔ گند ءُ نند ءَ صدر آصف زرداری ءُ ایران ءِ صدر ءَ پاکستان ءُ ایران ءِ نیام ءَ وت مہ وتی کمک آناں گیش وسعت دیگ ءِ جزم ءِ پدا زور دات۔ دوئیں رہشوناں وسیع بنیات ءُ دوئیں نیمگ ءَ چہ فائدگ مندیں دمگ آنی تہ ءَ سیادی ءِ دیمروئی ءِ سر ءَ زور پر دات۔ دوئیں رہشوناں دمگی ءُ میاں اوستمانی معاملہانی سرا سرجمیں رنگ ءَ گپ ءُ تران کت۔ صدر آصف علی زرداری ءَ گوشت کہ پاکستان ءُ ایران ءِ نیام ءَ براتی سیادی یکجاھیں مذھب، دود ءُ ربیدگ ءُ وت مہ وتی ءِ شرپ ءُ شرپ ءِ بنیات ءَ انت۔ صدر آصف علی زرداری ءَ دمگی جیڈھ آنی سر ءَ ایران ءِ اصولی موقف ءِ ستا ءَ کنان ءَ تہران ءِ نیمگ ءَ دمگی کمک ءِ واستہ مُدامی حمایت ءِ منت واری ءِ درشانی کت۔ صدر ءِ مملکت ءَ مشکلیں وھد ءَ یکوئی کنگ ءِ پد ءَ ایران ءِ شگر و منت گپت۔ صدر ءِ مملکت ءَ گوشت کہ پڑ ءِ ایمنی ءُ وشھالیں آیوکیں وھد ءِ واستہ پاکستان ءُ ایران یکجائی ءَ برجاہ کار کن اَنت۔ صدر آصف علی زرداری ءَ جموں ءُ کشمیر ءِ سر ءَ بھارت ءِ ناجائزیں قبضہ ءِ ھلاپ ءَ الس ءِ برجاھیں کمک ءِ سر ءَ سروک آیت اللہ سید علی خامنہ ای ءِ منت گپت۔ صدر آصف علی زرداری ءَ ایران ءِ سر ءَ اسرائیل ءِ زوراکی ءَ را سک مذمت کتگ۔ آئی ءَ جنگ ءِ وھد ءَ ایرانی راج ءِ دلیری ءُ یکوئی ءَ را شگر ءُ منت دات۔ صدر آصف علی زرداری ءَ امیت سہرا کت کہ صدر پزشکیان   ءِ تر ءُ تاب ءَ چہ براتی سیادی گیش مھکم بنت۔ صدر مسعود پزشکیان   ءَ اسرائیل ءِ گوما جنگ ءِ وھد ءَ کمک کنگ ءِ پد ءَ پاکستان ءِ سروکی ءُ الس ءِ شگر ءُ منت گپت۔ صدر پزشکیان   ءَ گوشت کہ پاکستان ءَ کشیدگ آنی تہ ءَ کمی ءُ جیڈھ آناں ایمنی ءِ گوما گیواری کنگ ءِ تہ ءَ جوڑیشت ءِ کرد پیلو کتگ۔ دوئیں رہشوناں پہ تنازعات ءِ گیش بوھگ ءِ دیم ءَ دارگ ءُ دمگ ءِ امن ءُ ایمنی ءِ ھاتر ءَ ھمگرنچی کتگ۔ سفارتی کوشست آنی ضلورت ءِ سر ءَ زور پر دات ۔