حکومت درملکی سرمایہ کار آناں آسراتی دیگ ءَ اِنت، پاکستان ءِ کشت ءُ کشاری ءُ صنعتی شوبگ آنی تہ ءَ دلکشیں سرمایہ کاری ءِ موہ است اَنت، نائب مزن وزیر ایس محمد اسحاق ڈار ءَ کاروباری فورم ءَ گوں تران کنان ءَ گشتانک

اسلام آباد۔3اگست  (اے پی پی): نائب مزن وزیر ءُ درئی کارانی وزیر ایس محمد اسحاق ڈار ءَ گوشت کہ حکومت درملکی سرمایہ کار آناں آسراتی دیگ ءَ انت، پاکستان ءِ کشت ءُ کشاری ءُ صنعتی شوبگ آنی تہ ءَ سرمایہ کاری ءِ دلکشیں موہ است انت، پاکستان ءُ ایران ءَ یک آزاتیں بیپاری معاہدے ءِ سر ءَ تپاک کتگ کہ ایشی ءَ چہ مئے… پاکستان ءُ ایران ءِ نیام ءَ بیپاری ءُ اقتصادی کمک ءِ دیمروئی ءِ واستہ برجم داشتگیں بزنس فورم ءَ گوں گشتانک دیان ءَ آئی ءَ بزنس فورم ءِ تہ بھر زوری ءِ پد ءَ ایران ءِ صدر ڈاکٹر مسعود پزشکیان    ، وفاقی کابینہ ءُ ایران ءِ وزیر آنی شگر ءُ منت گپت ءُ گوشت کہ اے فورم سک باز ارزشت ءِ واھند اِنت۔ دوئیں ملک آنی نیام ءَ سیادی دیر انت، مرچی ما وت مہ وتی سیادی آنی نوکیں پڑ ءَ داخل بوھگ ءَ ایں ۔ دوئیں ملک اقتصادی سیادی ءِ دیمروئی ءَ چہ وتی اقتصادی دیمروئی ءِ مول ءُ مراداں سرجم کت کن اَنت۔ وزیر ءِ درئی کار ءَ گوشت کہ پاکستان ایران بزنس فورم ءِ برجم دارگ وش اتک انت، مئے وت مہ وتی تجارت ءِ تہ ءَ گیشی بوھگ ءَ انت، بلے اے پوٹینشل ءَ چہ کم انت۔ یکے دومی ءِ تجارتی توانائی ءَ چہ راستی ءَ نپ چست کنگ ءِ ھاترا پاکستان ءُ ایران ءَ یک آزاد تجارتی معاہدے ءِ سر ءَ تپاک کتگ، ایشی ءَ چہ مئے تجارتی سیادی گیش بنت۔ آئی ءَ گیش گوشت کہ اے معاہدے ءَ چہ دوئیں ملک آنی تہ ءَ ٹیرف آنی تہ ءَ کمی، تجارتی رکاوٹ آنی ھلاسی ءُ کاروباری شوبگ ءِ دیمروئی ءَ کمک رسیت۔ آئی ءَ گوشت کہ دوئیں ملک وتی اقتصادی آیوکیں باندات ءِ گہتری ءِ واستہ نوکیں موہ آناں پٹ ءُ پول کن اَنت تانکہ دوئیں ملک آنی معیشت ءُ الس دیمروئی بہ کن اَنت۔ آئی ءَ گوشت کہ گوستگیں گپ ءُ تران آنی تہ ءَ دوئیں ملک آنی سروک آنی نیمگ ءَ تجارتی ءُ اقتصادی سیادی آنی تہ ءَ گیشی ءِ واستہ یک ٹوھیں حکمت عملی ءِ جوڑ کنگ بوتگ ءُ دو نیمگی تجارت ءَ را دہ ارب ڈالر ءَ سر کنگ بیت۔ آئی ءَ گوشت کہ ما کسٹم ءُ رسد ءِ شوبگ آنی تہ ءَ کمک ءِ دیمروئی ءِ واستہ گامگیج زورگ ءَ ایں، دوئیں ملک اقتصادی کمک ءَ را گیش کنگ ءِ واستہ ای سی ءُ ایس سی او فورم آنی تہ ءَ ھم یکجائی گامگیج زورگ ءَ اَنت، اے درگت ءَ مارٹا وتی ایرانی ھمکار ءِ گوما مکراں گوں رابطہ ءَ اِنت، اے گپ سفارتی شوبگ ءَ کم گندگ بیت۔ آئی ءَ گوشت کہ پاکستان ءِ 200 ملین ءَ چہ گیش صارف مارکیٹ ءَ چہ ھاسیں اقتصادی موہ رس ایت ءُ پاکستان ءَ خطہ ءَ جھان ءِ تک ءَ وت ءَ را یک ھاسیں تجارتی مرکز ءِ رنگ ءَ جوڑ کتگ۔ آئی ءَ گیش گوشت کہ پاکستان ءِ حکومت سرمایہ کار دوستیں چاگرد ءِ پجارینگ ءِ واستہ سرجمیں رنگ ءَ جزم اِنت ءُ اصلاحات ءُ کاروباری آسراتی ءِ پجارینگ ءَ چہ سرمایہ کاری ءِ دلکشیں موہ پیش کنگ بوھگ ءَ اَنت۔ اے درگت ءَ ھاسیں سرمایہ کاری ءِ آسراتی کونسل جوڑ کنگ بوتگ ایشی ءِ تہ ءَ سرمایہ کار آناں ھمک رنگ ءِ کمک کنگ بیت۔ پاکستان ءِ معیشت دیمروئی ءِ راہ ءَ انت، مہنگائی پنچ درسد انت وھدیکہ سود ءِ شرح 11 درسد ءَ کم بوتگ، نوں مئے دلگوش دیمروئی ءِ سرا انت۔ اصلاحات ءَ چہ پائیدار اقتصادی دیمروئی ءَ کمک رسیت۔ راجی معیشت ءِ جتاجتائیں شوبگ دیمروئی کنگ ءَ انت، درملکی سرمایہ کاری ءَ 20درسد گیشی بوتگ۔ محمد اسحاق ڈار ءَ گوشت کہ بجلی ءُ تیل ءِ شوبگ ءَ درملکی سرمایہ کاری کنگ بوھگ ءَ انت۔ آئی ءَ گوشت کہ حکومت ءَ پنچ سالی اقتصادی دیمروئی منصوبگ ”اُدان پاکستان“ جوڑ کتگ۔ دوئیں ملک آنی بزنس کمیونٹی ءَ را یکجائی منصوبگ آنی واستہ دعوت دیگ ءِ وھد ءَ آئی ءَ گوشت کہ پاکستان ایران ءِ آزاد تجارتی معاہدہ ءَ چہ تجارت ءُ سرمایہ کاری ءِ بازیں راہ پچ بنت ءُ تجارت ءِ تہ ءَ گیشی بیت۔ آئی ءَ گوشت کہ ایف ٹی اے ءَ چہ آئی ٹی، ٹیلی کمیونیکیشن، رسد، مالیاتی ازمت ءُ جان سلامتی ءِ شوبگ آنی تہ ءَ وت مہ وتی کمک ءَ را دیمروئی دیگ بیت۔ آئی ءَ فورم ءِ سوبمندیں برجم دارگ ءِ واستہ درستیں شریک آناں ساڑات ءُ ایران ءِ حکومت ءُ کاروباری براتی ءِ ھم منت واری ءِ درشانی کت۔ آئی ءَ گوشت کہ پاکستان ءُ ایران سفارتی تک ءَ اقتصادی ءُ تجارتی تک ءَ کمک ءَ را گیش ءُ گیوار کن اَنت ءُ توامیں دمگی ءُ جھان ءِ دیوان آنی تہ ءَ کمک ءَ را گیش ءُ گیوار کن اَنت۔ آئی ءَ گوشت کہ نوں وھد انت کہ ما یکجائی ءَ کار بہ کن ایں ءُ دوئیں ملک آنی آیوکیں باندات ءَ را رژنا کنگ ءِ واستہ استیں موہ آناں چست بہ کن ایں ۔