ایران ءِ صدر ءِ پاکستان ءِ تر ءُ تاب ،  سی ڈی اے ءَ اسلام آباد ءَ  را جوانیں رنگے ءَ سمبہینتگ

اسلام آباد۔3اگست  (اے پی پی): ایران ءِ صدر ءِ پاکستان ءِ تر ءُ تاب ءِ موہ ءَ کیپیٹل ڈویلپمنٹ اتھارٹی ءِ نیمگ ءَ اسلام آباد ءَ را جوانیں رنگ ءَ سمبہینگ بوتگ۔  اے درگت ءَ سی ڈی اے ءِ چیئرمین محمد علی رندھوا ءَ گوشت کہ ایران ءِ صدر ءِ آیگ مئے راج ءِ واستہ یک فخر ءِ ساھت اِنت، مئے مردماں اسلام آباد ءِ زیبا کنگ ءِ واستہ بے مٹیں کار کتگ، تر ءُ تاب ءَ   چہ پیسر سی ڈی اے ءَ شہر ءَ را  شر رنگ سمبہینگ ءِ واستہ یک ٹوھیں گامگیج ءِ بندات کتگ،  دگ  ءُ چار راہ آناں ساپ ءُ سلہ کنگ بوتگ ءُ ایشاناں پاکستان ءُ ایران ءِ راجی بیرک ءَ گوں سمبہینگ بوتگ۔  مرچُک ءُ لیٹ  جنگ بوتگ۔ گرین بیلٹس آاناں سمبہینگ بوتگ  ءُ دارالحکومت ءِ  جمالیاتی  شر رنگی ءَ را گیش گوناپ ءُ  بے مٹی رستگ۔ ھمک دمک ءُ چار راہ آناں  پل  آنی ساچی ایر کنگ بوتگ۔   اسلام آباد ءَ را یک ساپ ءُ سلہ، سبز ءُ کارآمدیں دارالحکومت ءِ رنگ ءَ دیمروئی دیگ ءِ گیشیں وژن ءِ تہ ءَ کمک رسیت۔ حکام ءَ گوشت کہ اے وڑیں تر ءُ تاب نہ ایوک ءَ دو نیمگی سیادی ءِ مھکمیں علامت انت بلکینگ ءَ پاکستان ءَ را یک نوکیں ءُ منظمیں شہر ءِ رنگ ءَ وتی دارالحکومت ءَ را پیش کنگ ءِ موہ ھم رس ایت کہ آ میاں اوستمانی سروک آنی میزبانی ءِ لائک انت۔