ایران ءِ صدر مسعود پزشکیان مزن وزیر گس ءَ سر بیت، مزن وزیر محمد شہباز شریف ءَ آئی ءَ را گرمیں وش آتک کنت ءُ سلاہ بندیں اُرد ءِ رنگ ءُ دروشمیں دستہ آں مہمان ءِ شرپ ءِ گارڈ پیش کت

اسلام آباد۔3اگست  (اے پی پی): مزن وزیر محمد شہباز شریف ءَ جمہوریہ اسلامی ایران ءِ صدر مسعود پزشکیان ءَ را مزن وزیر گس ءَ سر بوھگ ءِ سر ءَ گوں دلجمی ءَ وش اتک کت۔ ایران ءِ صدر ءِ شرف ءَ مزنیں استقبالیہ مراگش برجم دارگ بوت۔ ایشی ءَ چہ پیسر ایران ءِ صدر مزن وزیر گس ءَ سر بوھگ ءِ سر ءَ مزن وزیر ءِ نیمگ ءَ آئی ءَ را مزن وزیر گس ءَ سر بوھگ ءَ گوں گہتری ءَ وش آتک کنگ بوت۔ دوئیں رہشوناں گرمیں رنگ ءَ دست ءُ دیم کت ءُ دلپدردی ءِ سلام ءُ دروت کت، ایشی ءَ پد فوٹو سیشن ءِ برجم دارگ بوت۔ وش اتک  ءِ بندات ءَ دوئیں ملک آنی راجی سوت الہان کنگ بوت انت ءُ سلاہ بندیں اُرد ءِ رنگ رنگیں دستہ آں مزنیں مہمان ءَ را گارڈ آف آنر پیش کت۔ مزن وزیر ءَ ایران ءِ صدر ءَ را معاون مزن وزیر ءُ دری کارانی وزیر سینیٹر محمد اسحاق ڈار، وزیر دفاع خواجہ محمد آصف، وفاقی وزیر قومی غذائی تحفظ و تحقیق رانا تنویر حسین، وزیر مواصلات عبدالعلیم خان، وزیر ہائوسنگ ریاض حسین پیرزادہ، وزیر ریلوے محمد حنیف عباسی، وزیر تجارت جام کمال خان، وزیر اھوالکاری شنگ کاری عطا اللہ تارڑ   ءُ وفاقی کابینہ ءِ مزنیں کارندہ آں کہ آہانی تہا احمد چیمہ، علی پرویز ملک، ہارون اختر خان، طارق فاطمی  ھوار اتنت۔  ایشی ءَ پد ایران ءِ صدر ءَ وتی کابینہ ءِ باسک مزن وزیر محمد شہباز شریف ءَ گوں پجار کتگ انت۔ ڈاکٹر مسعود پزخان ءَ مزن وزیر گس ءِ سبزیں دمگ ءَ یک یادگاری درچک ءِ ھم ایر کتگ۔ اے موہ ءِ سر ءَ اسلامی دگنیا ءِ دیمروئی ءُ وشھالی ءِ واستا ھاسیں دعا وانگ بوت اَنت۔ مزن وزیر محمد شہباز شریف ءُ ایران ءِ صدر ءِ نیام ءَ ڈل ءِ تک ءَ گند ءُ نند بیت ءُ دوئیں ملک آنی نیام ءَ وت مہ وتی سیادی آناں دیمروئی دیگ ءُ دمگی جاور ھال آنی بابت ءَ حیال ءُ لیکہ درشان کن اَنت۔