چیف آف آرمی اسٹاف فیلڈ مارشل سید عاصم منیر ءَ راجی حاکمیت ءُ علاقائی یکوئی ءِ رکھینگ ءِ واستہ پاک فوج ءِ بے مٹیں جزم ءِ پدا زور دات

اسلام آباد۔2اگست  (اے پی پی):چیف آف آرمی اسٹاف فیلڈ مارشل سید عاصم منیر ءَ راجی حاکمیت ءُ علاقائی یکوئی ءِ رکھینگ ءِ واستہ پاک فوج ءِ بے مٹیں جزم ءِ سر ءَ زور پر دات ءُ گوشت کہ راجی یکوئی، سول ءُ فوجی ہائبرڈ چاگردی ھمگرنچی ءِ دیمروئی ءِ واستہ راجی تک ءَ کمک ءِ ضلورت اِنت۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ فیلڈ مارشل سید عاصم منیر ءَ ملتان گیریسن ءِ تر ءُ تاب کتگ ءُ کور ہیڈ کوارٹر ءَ فارمیشن ءِ آپریشنل تیاری ءُ برجاھیں تربیت ءِ کار آنی ھوالگ ءَ سرجمیں بریفنگ دیگ بوتگ۔ فیلڈ مارشل ءَ مزنیں کوالٹی ءِ تیاری آنی سر ءَ وشھالی ءِ درشان کنان ءَ راجی وت واجہی ءُ دمگی یکوئی ءِ رکھینگ ءِ واستہ پاک اُرد ءِ بے مٹیں جزم ءِ سر ءَ زور پر دات۔ ایشی ءَ پد فیلڈ مارشل سید عاصم منیر ءَ اکیڈمک زانت ءُ سول سوسائٹی ءِ نمائندگ آنی گوما یک بنداتی دیوان ءَ بہر زرتگ ات ایشی ءِ تہ ءَ ہائبرڈ ھترہ آنی ھلاپ ءَ جنگ ءُ چاگردی یکوئی ءِ دیمروئی ءِ واستہ راجی یکوئی، سول ملٹری یکوئی ءُ راجی تک ءِ کمک ءِ ارزشت ءِ سر ءَ زور پر دات۔ تر ءُ تاب ءِ ساھت ءَ چیف آف آرمی اسٹاف ءَ پاک اُرد ءِ ھوائی بالیگ ءَ جدید زیڈ 10 ایم ای ھیلی کاپٹر ءِ ھوار کنگ ءِ مراگش ءِ ھم سروکی کت۔ اے نوکیں ھیلی کاپٹر شپ ءُ روچ ءِ وھد ءَ  ارش کت کناں۔ نوکیں ریڈار سسٹم ءُ نوکیں الیکٹرانک جنگی سسٹم ءَ گوں لیس اے ہیلی کاپٹر پاک فوج ءِ ھوائی ءُ زمینی ھترہ آں گوں گر ءُ چیل بوھگ ءِ توانائی ءَ را مزنیں کساسے ءَ گیش کنت۔ ایشی ءَ پد چیف آف آرمی اسٹاف ءَ مظفر گڑھ فیلڈ فائرنگ ریجنز ءَ نوکیں ھواریں زیڈ 10 ایم ای ھیلی کاپٹر آنی فائر پاور ءِ عملی مظاہرہ ھم گندگ بوت۔ اے نوکیں نظام ءِ ھوار کنگ پاک فوج ءِ ھوائی بالیگ ءِ نوکیں رنگ ءِ نیمگ ءَ یک ھاسیں سنگ میل ءِ اِنت کہ ایشی ءَ چہ جنگ ءِ میدان ءَ جوانیں رنگ ءَ پسو دیگ ءُ دژمن ءِ سر ءَ فیصلہ کنوکیں برتری ءِ جوڑ کنگ ءِ توانائی گیش مھکم بیت۔ آرمی چیف ءَ سپاھیگ آں گوں تران کنان ءَ آوانی مزن حوصلہ، پیشہ وارانہ ءُ جنگی تیاری ءَ را ساڑات۔ آئی ءَ یکجائی فوجی جنگی حکمت عملی ءِ کامیابیں مظاہرہ ءَ را ساڑات ءُ گوشت کہ ایشی ءَ چہ پاک اُرد ءِ جنگ ءِ بدل بوھوکیں رنگ ءَ فیصلہ کنوکیں برتری ءِ برجم دارگ ءِ جزم ءِ درشان انت۔   ایشی ءَ پیسر ملتان گیریژن  ءَ پجگ ءِ پد  ءَ کور کمانڈر ملتان ءَ فیلڈ مارشل  سید عاصم منیر  ءَ را وش اتک کت۔