ایران ءِ صدر ڈاکٹر مسعود پزیشکیان ءَ پاکستان ءِ سرکاری تر ءُ تاب ءَ اسلام آباد ءَ سر بوتگ

اسلام آباد۔2اگست  (اے پی پی):ایران ءِ صدر ڈاکٹر مسعود پیزیشکیان پاکستان ءِ سرکاری تر ءُ تاب ءَ اسلام آباد ءَ شتگ۔ مزن وزیر محمد شہباز شریف ءَ ایران ءِ صدر ءُ آئی ءِ ڈل ءَ را اسلام آباد ءِ بالی پٹ ءَ وش اتک کت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ ڈاکٹر پزیشکیان ءِ ھمراھی ءَ مزنیں تک ءِ ڈل ءِ تہ ءَ ایران ءِ درئی کارانی وزیر سید عباس عراقچی، مزنیں وزیر ءُ ایندگر مزنیں کارندہ ھوار اَنت۔ وتی نندگ ءِ وھد ءَ صدر پزیشکیان ءَ صدر آصف علی زرداری ءُ مزن وزیر محمد شہباز شریف ءَ گوں گند ءُ نند کنت ۔ اے تر ءُ تاب ءِ وھد ءَ پاکستان ءُ ایران ءِ نیام ءَ مزن تک ءِ ڈل ءِ گند ءُ نند بیت ۔ اے ڈاکٹر پزیشکیان ءِ ایران ءِ صدر ءِ بستار ءَ پاکستان ءِ اولی سرکاری تر ءُ تاب اِنت۔ اے تر ءُ تاب ءَ چہ پاکستان ءُ ایران ءِ براتی سیادی گیش مھکم بنت ۔