ایران ءِ صدر اقبال ءِ مزار ءِ تر ءُ تاب ءَ کنت، علامہ اقبال ءِ فکر ءُ فلسفہ پہ اسلامی دنیا ءَ چراگ، مسعود پزشکیان

لاہور۔2اگست (اے پی پی): جمہوریہ اسلامی ایران ءِ صدر ڈاکٹر مسعود پزشکیان ءَ شمبے ءِ روچ ءَ پاکستان ءِ مفکر، مشرق ءِ شاعر حضرت علامہ محمد اقبال ءِ مزار ءِ تر ءُ تاب کتگ ءُ گلدستہ ایر کتگ ءُ فاتحہ ءِ تلاوت کتگ۔ اقبال ءِ مزار ءَ سر بوھگ ءَ گوں پنجاب رینجرز ءِ زہیروکیں ءُ چست ءُ ایریں دستہ ءَ آئی ءَ را سلام دات۔ ایران ءِ صدر مسعود پزکیان، ایران ءِ دری کارانی وزیر عباس اراقچی ءُ ڈل ءَ را گرمیں وش آتک کنگ بوت۔ چیئر مین رویت ہلال کمیٹی و خطیب باد شاہی مسجد مولانا عبدالخبیر آزاد ءَ اقبال ءِ مزار ءَ نماز ءِ سروکی کت۔ ایران ءِ صدر ءَ وتی واھگ مہمانانی کتاب ءَ نبشتہ کت اَنت ءُ علامہ اقبال ءَ را توسیپ ءُ ستا پیش کت۔ آئی ءَ مہمان ءِ شرپ ءَ علامہ اقبال ءِ فکر ءُ فلسفہ ءَ را اسلامی دنیا ءِ واستہ چراگ لیک اتگ۔ لاہور بالی پٹ ءَ چہ اقبال ءِ مزار ءَ تاں ھاسیں شاہراہ وش آتکیں بینراں گوں زیب دیگ بوتگ اَنت وھدے کہ ایرانی ڈل ءِ ایمنی ءِ واستہ سکیں سیکورٹی بندوبست کنگ بوتگ۔ اے موہ ءِ سر ءَ پنجاب ءِ سر وزیر مریم نواز، صوبائی وزیر مریم اورنگزیب، وزیر ءِ اھوالکاری عظمہ بخاری، صوبائی وزیر ملک صہیب احمد ءُ اے دگہ مزنیں کارندہ ھم ساڑی اتنت۔