ایران ءِ صدر دو روچی تر ءُ تاب ءَ پاکستان ءَ سر بوتگ، لاہور بالی پٹ ءَ آئی ءَ را وش اتک کنگ بوتگ

لاہور۔2اگست (اے پی پی): ایران ءِ صدر ڈاکٹر مسعود پزشکیان شمبے ءِ روچ ءَ دو روچی تر ءُ تاب ءِ واستہ پاکستان ءَ شتگ۔ لاہور بالی پٹ ءَ سر بوھگ ءَ پد آئی ءَ را پاکستان مسلم لیگ ءِ صدر محمد نواز شریف، پنجاب ءِ سر وزیر مریم نواز شریف ءُ ہاؤسنگ ءِ وفاقی وزیر ریاض حسین پیرزادہ ءَ وش اتک کت۔ اے موہ ءِ سر ءَ زھگاں شرپداریں مہمان ءَ را گلدستہ دات، ایران ءِ صدر ءَ زھگ آنی واستہ وتی مھر ءِ درشان کت، ایران ءِ صدر ءَ محمد نواز شریف ءُ بنجاھی وزیر مریم نواز ءِ منت گپت کہ آ مزنیں وش اتک ءَ کن اَنت۔ اے موہ ءِ سر ءَ مزنیں صوبائی وزیر مریم اورنگزیب، چیف سیکرٹری زاہد اختر زمان، آئی جی عثمان انور ءُ اے دگہ مزنیں کارندہ ھم ساڑی بوتگ انت۔