وزیر کانود ءِ گشگ انت کہ بار ءِ سیاست باراں محدود کنگ بہ بیت دانکہ عدلیہ ءُ کانود ءِ پیشہ وتی غیر جانبداری ءَ برجاہ بہ دار انت

اسلام آباد۔1اگست  (اے پی پی): ملتان ہائی کورٹ بار ایسوسی ایشن ءَ ھوار جنوبی پنجاب ءِ بار ایسوسی ایشن آنی ڈل آں وفاقی وزیر کانود ءُ انصاف سینیٹر اعظم نذیر تارڑ ءَ گوں گند ءُ نند کت۔ گند ءُ نند ءَ وکیل آنی وشھالی، بار ایسوسی ایشن ءَ گوں دوچار کپتگیں جیڈھ ءُ آھانی جوانیں گیواری ءِ ھوالگ ءَ سرجمیں رنگ ءَ گپ ءُ تران کنگ بوت۔ ملتان ہائی کورٹ بار ءِ صدر ءَ قانونی کمیونٹی ءِ ھاتر ءَ حکومت ءِ گامگیج آنی سر ءَ وزیر کانود ءِ منت گپت ءُ گوشت کہ کانود ءِ وزارت ءِ کرد ستا کرز ایت۔ جمعہ ءِ روچ ءَ وزارت ءِ کانود ءُ انصاف ءِ نیمگ ءَ چہ جاڑی بوتگیں پریس ریلیز ءِ رد ءَ وفاقی کانود ءِ وزیر ءَ گوں درستیں نمائندگاں گپ ءُ تران کنان ءَ اے گپ ءِ سر ءَ زور پر دات کہ بار ءِ سیاست ءَ را بار آنی تہ ءَ ھوار کنگ بہ بیت تانکہ عدلیہ ءُ کانود ءِ پیشہ وتی بے رھبند ءُ آجوئی ءَ برجاہ بہ دار اَنت۔ آئی ءَ گوشت کہ وزارت ءِ کانود وکیل آنی وشھالی ءَ را اولی ترجی آنی سر ءَ ایر کنت ءُ آھانی جائزیں جیڈھ آناں گیواری ءِ واستہ ھمک رنگ ءِ کمک ءَ کنت۔ ای لائبریری ءُ سولرائزیشن ءِ منصوبگ پنجاب حکومت ءِ کمک ءَ چہ دیم ءَ روگ ءَ انت۔ پنجاب ءِ سر وزیر مریم نواز شریف ءِ ہدایت ءِ سرا آمید گس ءِ فیس ءِ دیریں جیڈھ گیش ءُ گیوار کنگ بوتگ۔ دیوان ءَ شج آباد، جہانیان، لودھران، دنیا پور، ڈیرہ غازی خان، کوٹ اڈو، راجن پور، مظفر گڑھ، علی پور، جتوئی، جلال پور، کبیروالا ءُ بورے والا بار ءِ صدر ءُ نمائندگاں ھم بھر زوری کتگ ءُ آھاں وتی دمگ آنی تہ ءَ قانون ءِ وزیر ءَ را وتی دیم ءَ اتکگیں جیڈھ آنی بابت ءَ سرپد کتگ۔ سینیٹر اعظم نذیر تارڑ ءَ دراہیں بار ءِ نمائندگ آناں دل یکیمی دات کہ آہانی جیڈھ اولیت ءِ بنیاد ءَ گیش ءُ گیوار کنگ بنت ءُ باراں گوں رابطہ ءَ را گیش مھکم کنگ بیت۔