اسپیکر قومی اسمبلی ءَ نمیرانیں اھوالکار ارشد وحید چوہدری ءِ زھگ ءِ بیرانی ءِ سر ءَ دلپدردی ءِ درشانی کنگ ءَ انت

اسلام آباد۔1اگست  (اے پی پی): راجی اسمبلی ءِ اسپیکر سردار ایاز صادق ءَ سینئر اھوالکار ءُ پارلیمانی رپورٹرز ایسوسی ایشن پاکستان ءِ بانی باسک مرحوم ارشد وحید چوہدری ءِ کسان سالیں چک روشن وحید ءِ بیرانی ءِ سر ءَ دلپدردی ءِ درشانی کتگ۔ آئی ءَ کسانیں زھگ ءِ بیرانی ءَ را مرحوم ارشد وحید چوہدری ءِ کھول ءِ واستہ ناقابل تلافی تاوان لیک اتگ۔ جمعہ ءِ روچ ءَ وتی دلپدردی کلوہ ءِ تہ ءَ اسپیکر راجی اسمبلی ءَ گوشت کہ اے غم ءِ ساھت ءَ آ یک پیم ءَ مرحوم ارشد وحید چوہدری ءِ کھول ءِ غم ءَ شریک اِنت۔ اسپیکر قومی اسمبلی ءَ دعا کت کہ اللہ تعالیٰ نمیرانیں روشن وحید ءَ را وتی رحمت ءِ تہا جاگہ بہ دنت ءُ غم ءِ آماچیں ھاندان ءَ را اے ناقابل تلافی تاوان ءِ برداشت کنگ ءِ صبر ءُ اوپار بہ دنت۔