پاکستان بیت المال ءِ کارگس ءُ ادارگاں بلوچستان ءَ گیش فعال کنگ ءِ مول ءُ مراد لس مھلوک ءِ زھرشانی ءِ گیش ءُ گیوار کنگ اِنت، وفاقی وزیر سید عمران احمد شاہ

کوئٹہ۔ 01 اگست (اے پی پی): وفاقی غربت ءِ ھلاسی ءُ چاگردی رکھینگ ءِ وزیر سید عمران احمد شاہ ءَ گوشت کہ بلوچستان ءَ پاکستان بیت المال ءِ کارگس ءُ ادارگ آناں گیش فعال کنگ ءِ مول ءُ مراد الس ءِ زھرشانی آنی گیواری کنگ اِنت۔ کوئٹہ ءَ پاکستان بیت المال ءِ وانگ ءُ زانگ ، جان سلامتی ءُ چاگردی کارانی نیٹ ورک ءَ را گیش کنگ ءَ چہ بلوچستان ءَ محرومی ءِ احساس ھلاس کنگ بیت۔ آئی ئَ اے گپ کوئٹہ ئَ پاکستان بیت المال بلوچستان ئِ ڈائریکٹر محمد داؤد ئِ نیمگ ئَ داتگیں محکمہ ئِ بریفنگ ئِ موہ ئَ گوشت۔ غربت ءِ ھلاسی ءُ چاگردی رکھینگ ءِ وفاقی وزیر سید عمران احمد شاہ ءَ گوشت کہ ایوک ءَ پریشان ءُ تکلیف دہ الس آنی دیم ءَ مسکرا آرگ ءُ یتیم ءُ بیواہ آنی کمک ءَ چہ ما اے دگنیا ءُ آخرت ءَ راھشون جوڑ بوت کن ایں ۔ اے موہ ءِ سر ءَ صوبائی ڈائریکٹر بیت المال محمد داؤد ءَ وفاقی وزیر ءَ را سرپد کت ءُ گوشت کہ بلوچستان ءَ گوستگیں 3 سال آنی تہ ءَ 100کروڑ کلدار کنگ بوتگ۔ 2505 گریب ءُ تنگدستیں نادراہ آنی علاج ءِ واستہ 286758601 ءِ زرّ داتگ، 100کروڑ کلدار ءِ زرّ داتگ۔ 30ملین 1089 بزگریں  نودربر آناں اسکالرشپ ءِ رنگ ءَ داتگ اَنت وھدیکہ کوئٹہ ءَ ھوار سرجمیں صوبگ ءَ بیت المال ءِ 23 زالبول آناں بااختیار کنگ ءِ مراگش آنی تہ ءَ 50ہزار زالبول آناں تکنیکی مہارت وانینگ بوتگ۔ آئی ءَ گوشت کہ پاکستان بیت المال ءِ چیردستی ءَ 14 چائلڈ لیبر اسکول آنی تہ ءَ چہ 4022 زھگ وانگ ءُ زانگ زرتگ ءُ یتیم آنی واستہ تربت، کوئٹہ، خاران ءُ ژوب ءَ جوڑ بوتگیں سویٹ ہوم آنی تہ ءَ 400 یتیم وانگ ءُ زانگ ءَ انت، آھاں وانگ ءُ زانگ، وردن ءُ پناہ گاہ پجاری کنگ بوھگ ءَ انت۔ وفاقی غربت ءِ ھلاسی ءُ چاگردی رکھینگ سید عمران احمد شاہ ءَ گوشت کہ کوئٹہ ءَ آیگ ءِ مول ءُ مراد پاکستان بیت المال ءِ کارکردگی ءِ چار ءُ تپاسی ءُ چاگرد ءِ بے وسیں مردم آنی واستہ گیش گامگیج زورگ انت۔ بلوچستان ءَ پاکستان بیت المال ءِ کارگس ءُ ادارہ گیش سرگرم کنگ بنت ءُ مہلوک ءِ شکایتانی چار ءُ تپاس کنگ بیت۔ آئی ءَ گوشت کہ یتیم آنی چاگرد ءِ کارآمد ءُ راج دوستیں شہری جوڑ کنگ ءِ گوما آ علم ءُ ازم ءِ مال ءُ مڈی ءَ چہ وشھال کنگ بنت تانکہ آ وتی عملی زند ءَ کسے ءِ سر ءَ بار جوڑ بوھگ ءِ بدل ءَ شرپداریں زند گوازینگ ءَ بہ کن اَنت۔ وفاقی وزیر سید عمران احمد شاہ ءَ پاکستان بیت مال ءِ ازمت آنی توسیپ کنان ءَ گوشت کہ مزن وزیر شہباز شریف ءِ وژن ایش انت کہ سرکاری ادارگ ایوک ءَ مالی کمک ءَ گوں بندوک مہ بنت بلکیں ورنا ءُ زالبول آناں تکنیکی مہارت ءُ آرٹس ءِ ھم وانینگ بہ بیت ءُ آھاں اقتصادی زند ءِ ھاترا دلبڈی بہ دنت تانکہ آ وتی زند ءَ را زندگ بہ دار انت۔