برآمدات ءِ تہ ءَ مزنیں گہتری گندگ بوتگ، پاکستان ءِ تجارتی شوبگ ءَ بدل بوھوکیں جھان ءِ جاور ھال آنی تہ ءَ وتی رد ءَ بدل بوھگ ءِ توانائی ھست، جام کمال خان

اسلام آباد۔1اگست  (اے پی پی): وفاقی وزیر برائے تجارت جام کمال خان ءَ گوشت کہ ویلیو ایڈڈ ءُ غیر روایتی برآمدات ءِ تہ ءَ مئے سوبمندی اے گپ ءِ ثبوت اِنت کہ پاکستان ءِ تجارتی شوبگ ءَ بدل بوھوکیں جھان ءِ جاور ھال آنی گوما وتی رد ءَ ردوم زورگ ءِ توان ھست۔ آئی ءَ اے ھیالانی درشانی مالی سال 2024-25 ءِ ساھت ءَ پاکستان ءِ تجارتی کارکردگی ءِ چار ءُ تپاسی ءِ واستہ وزارت کامرس ءَ مزن تک ءِ دیوان ءَ گوں تران کنان ءَ کت۔ جمعہ ءِ روچ ءَ جاڑی بوتگیں پریس ریلیز ءِ رد ءَ دیوان ءَ وزارت ءِ مزنیں افسر آنی بھر زوری بوتگ ایشی ءِ تہ ءَ پاکستان ءِ برآمداتی حکمت عملی ءِ سر ءَ چار ءُ تپاسی کنگ بوتگ ءُ جھان ءِ تجارتی چیلنج آنی باوجود آیوکیں ایکشن پلان آنی سر ءَ گپ ءُ تران کنگ بوتگ۔ برجاھیں تجارتی جیڈھ، اقتصادی سست روی، نرخانی شدیدیں مقابلہ ءُ جیوپولیٹکل کشیدگی ءِ باوجود پاکستان ءِ برآمدات ءَ استحکام ءِ درشانی کتگ۔ مالی سال 2024-25 ءِ ساھت ءَ ملک ءِ کلیں برآمدات 31.75ارب امریکی ڈالر ءَ سر بوتگ کہ گوستگیں مالی سال ءَ 30.76ارب امریکی ڈالر بوتگ، بزاں برآمدات ءِ تہ ءَ مزنیں گہتری بوتگ، گیشتریں کریڈٹ ویلیو ایڈڈ ءُ غیر روایتی شوبگ آنی نیمگ ءَ روت۔ برآمدات ءِ دیمروئی ءِ نامداریں شعبہ آنی تہ ءَ ٹیکسٹائل ءُ ملبوسات ءِ شعبہ ءَ ھوار تیاریں پوشاک آنی تہ ءَ 15 درسد گیشی بوتگ، سلائی بوتگیں پوشاک آنی تہ ءَ 16 درسد گیشی بوتگ، لوگی ٹیکسٹائل ءِ تہ ءَ 9 درسد گیشی بوتگ، تمباکو ءُ سگریٹ ءِ تہ ءَ 135 درسد ءِ گیشی بوتگ، برآمد ءِ تہ ءَ 17 درسد ءِ گیشی بوتگ۔ دواسازی ءُ آئی سی ٹی ءَ گوں سیادی داروکیں ازمت آنی برآمدات ءَ ھم پیشرفت گندگ بوتگ۔ وزیر تجارت ءَ اے شوبگ آنی کارکردگی ءَ را ساڑات ءُ گوشت کہ غیر روایتی برآمدات آنی تہ ءَ گیشی پاکستان ءِ دراجیں مدت ءِ تجارتی پالیشی ءِ واستہ جوانیں شگون انت۔ جام کمال ءَ گوشت کہ سرمایہ کاری سامان آنی درآمد آنی تہ ءَ 24درسد گیشی ریکارڈ کنگ بوتگ، ایشی ءَ چہ ملکی صنعت ءِ زندگ بوھگ ءُ صارف آنی اعتماد ءِ تہ ءَ گہتری ءِ نشانی انت۔ وفاقی وزیر ءَ دیوان ءَ ھاسیں ہدایت ھم داتگ کہ ایشی ءِ تہ ءَ ملک ءِ ھاسیں برآمداتی منصوبگ ھوار اَنت، ھاسیں رنگ ءَ نوکیں ءُ غیر روایتی مارکیٹ آنی سر ءَ دلگوشی دیگ ءُ جھان ءِ تجارتی رکاوٹ، ایس پی ایس / ٹی بی ٹی ءِ جیڈھ ءُ تجارتی گامگیج آناں ترندیں رنگ ءَ پسو دیگ ءِ واستہ تجارتی الرٹ سسٹم ءِ جوڑ کنگ ھوار اِنت۔ ایشی ءَ ابید نجی شعبہ ءِ گوما موثر مشاورت ءُ پالیسی سازی ءَ را گہتر کنگ ءِ ھاتر ءَ سیکٹرل ایکسپورٹ کونسل آنی فعال کنگ، مصنوعی ذہانت ءُ ڈیٹا اینالیٹکس ءِ وسیلگ ءَ تجارتی انٹیلی جنس، مصنوعی ذہانت ءُ ڈیٹا اینالیٹکس ءِ وسیلگ ءَ مارکیٹنگ ءِ جدید کنگ ءُ سروسز ایکسپورٹ ءِ دیمروئی ءِ ھاتر ءَ یک جامع راجی حکمت عملی ءِ تیار کنگ، ھاسیں رنگ ءَ آئی سی ٹی ءِ جیڈھ ءِ دیمروئی ءِ ھاتر ءَ بوتگ۔ وزیر تجارت جام کمال خان ءَ گوشت کہ ویلیو ایڈڈ ءُ غیر روایتی برآمدات ءِ تہ ءَ مئے سوبمندی اے گپ ءِ ثبوت انت کہ پاکستان ءِ تجارتی شوبگ ءَ بدل بوھوکیں جھان ءِ جاور آنی گوما وتی رد ءَ ردوم زورگ ءِ صلاحیت است انت۔ حکومت کاروباری براتی ءَ را آسراتی دیگ، نوکیں مارکیٹ آنی تہ ءَ رسائی ءَ را دل یکیمی کنگ ءُ ایف ٹی اے / پی ٹی اے ءِ وڑیں دو نیمگی ءُ کثیر نیمگی فریم ورک آناں سرجمیں رنگ ءَ کارمرد کنگ ءِ واستہ جزم اِنت۔ مئے معیشت ءِ بدل کنگ ءُ روزگار ءِ موہ پیداک کنگ ءِ واستہ تجارت تجارت اِنت ءُ اے مکسد ءِ حاصل کنگ ءِ واستہ وزارت دیم ءَ کار کنت۔