وفاقی داخلہ ءِ وزیر ءَ صادق آباد ءِ نزیک ءَ پولیس پوسٹ ءِ سر ءَ اُرش ءِ مذمت کتگ ، شھید بوتگیں پولیس کارندہ آناں شگر ءُ منت گپت

اسلام آباد۔1اگست  (اے پی پی): وفاقی تہی کارانی وزیر محسن نقوی ءَ پنجاب ءِ شہر صادق آباد ءِ نزیک ءَ پولیس پوسٹ ءِ سر ءَ اُرش ءِ سک باز مذمت کتگ ءُ اُرش ءَ شھید بوتگیں پنچ پولیس کارندہ آناں شگر ءُ منت گپتگ۔ وزارت داخلہ ءِ نیمگ ءَ جاڑی بوتگیں بیان ءِ تہ ءَ وزیر داخلہ محسن نقوی ءَ اے اُرش ءِ سک باز مذمت کتگ ۔ وزیر داخلہ ءَ شہیدیں پولیس کارندہ آنی گس ءِ گوما دلپدردی ءِ درشان ھم کتگ ءُ گوشت کہ شھید بوتگیں پولیس کارندہ آنی قربانی ءَ را سلام پیش کناں۔ محسن نقوی ءَ گوشت کہ پولیس ءِ کارندہ آں شپ ءِ تہاری ءَ اُرش کنوکیں ڈنگ آنی گوما بہادری ءَ گوں جنگ کتگ ءُ ڈیوٹی ءِ راہ ءَ وتی سر ندر کتگ۔ آئی ءَ گوشت کہ پولیس ءِ کارندہ آناں ڈیوٹی ءِ راہ ءَ وتی سرانی ندر کنگ ءَ چہ شھیدی ءِ مستریں درجہ رس اِتگ۔ وفاقی وزیر داخلہ ءَ گوشت کہ ڈاکو آنی ھلاپ ءَ جنگ ءَ پولیس ءِ کارندہ آنی مزنیں قربانی راج ءَ را مدام یات بیت۔ تہی کارانی وزیر محسن نقوی ءَ گوشت کہ شھید بوتگیں پولیس ءِ کارندہ آنی قربانی بے سوب نہ رو اَنت۔