بنجائی وزیر ریلوائی محمد حنیف عباسی نا حلقہ نا دورہ، رتہ روڈ انا تفنگ نا بنداو ءِ تخا

راولپنڈی۔ 31 جولائی (اے پی پی) بنجائی وزیر ریلوائی محمد حنیف عباسی تینا حلقہ نا دورہ ءِ کرے و رتہ روڈ انا تفنگ نا بنداو ءِ تخا۔ ڈٹ انا چاروکی ءِ نیسپاک وخت اس کہ ڈٹ آ عملدرآمد راولپنڈی میونسپل کارپوریشن کیک، ہندا ڈٹ انا پوروی یک و نیم تُو اٹی مریک ہراٹی نالہ نا بحالی ہم اوار ءِ۔ وزارت ریلوائی نا کنڈآن پنچ شنبے نادے آ داکان جاری پریس ریلیز نا رداٹ دا ڈٹ انا تفنگ آن پوریاگر برادری ٹی خوشی اس تالان مس۔ داوخت آ علاقہ مکین آک وزیرریلوائی حنیف عباسی ءِ جم وجوش اٹ بخیرکریر و پھل آتا پتی چٹ تسر، ہار بینفیر۔ داوخت آ گپ وتران کرسا وزیرریلوائی حنیف عباسی پارے کہ الس نا خذمت ننا فرض ءِ ، نم کنا ایلمک اورے، ہرممکن کمک کینہ۔ اوشونداری کاریم تیکن تینا عزم انا درشانی ءِ کرساپارے کہ شونداری نا سفر الس نا کمک اٹ ہی ممکن ءِ، شونداری ڈٹ السی خذمت نا چرجوئی ءِ، نن زبانی قول آتیا آخا عملی خذمت آ یخین تخنہ۔