چیئرمین مزن وزیر ورنا پروگرام رانا مشہود احمد خان ءَ گوں مزن وزیر محمد شہباز شریف ءَ گند ءُ نند

اسلام آباد۔31جولائی  (اے پی پی): چیئرمین مزن وزیر ورنا پروگرام رانا مشہود احمد خان ءَ گوں مزن وزیر محمد شہباز شریف ءَ گند ءُ نند کت۔ گند ءُ نند ءَ مزن وزیر ورنا پروگرام ءِ چیر دستی ءَ برجا بوھوکیں منصوبگ آنی تہ ءَ ورنا آنی گہبودی، وانگ ءُ زانگ، ہنر ءِ دیمروئی ءُ روزگار ءِ تہ ءَ برجاھیں منصوبگ آنی سر ءَ چار ءُ تپاسی کنگ بوت۔ پنچ شمبے ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں بیان ءِ رد ءَ ورنا پروگرام ءِ چیئرمین رانا مشہود ءَ مزن وزیر ءَ را پروگرام ءِ نوکیں گامگیج آنی بابت ءَ سرپد کت۔ مزن وزیر ءَ ورنا آناں توانمند کنگ ءِ برجاھیں کوشست آنی سر ءَ دل یکیمی ءِ درشان کت ءُ ہدایت کت کہ اے منصوبگ آنی رفتار ءَ را گیش ترند کنگ بہ بیت تانکہ ورنا راجی دیمروئی ءِ تہ جوانیں رنگ ءَ کرد پیلو بہ کن اَنت۔ گند ءُ نند ءَ ملک ءِ استیں چاگردی ءُ اقتصادی جاورھال ھاسیں رنگ ءَ ضمنی گچین کاری، السی رجحان ءُ گچین کاری مہم ءِ ھوالگ ءَ سیاسی حکمت عملی ءِ سر ءَ ھم گپ ءُ تران کنگ بوت۔ مزن وزیر ءَ ورنا آناں راجی مین اسٹریم ءِ تہ ءَ ھوار کنگ ءُ آگہ آناں سرپد کنگ ءِ ضلورت ءِ سر ءَ زور پر دات۔