مزن وزیر محمد شہباز شریف ءَ راج ءَ را ریموٹ سینسنگ سیٹلائٹ ءِ کامیابی ءِ پد ءَ مبارکی دات

اسلام آباد۔31جولائی  (اے پی پی): مزن وزیر محمد شہباز شریف ءَ ریموٹ سینسنگ سیٹلائٹ ءِ سوبمندیں لانچنگ  ءِ  بابت  ءَ راج ءَ را مبارک بات داتگ ءُ گوشت کہ اے سیٹلائٹ پاکستان ءُ چین ءِ نیام ءَ دیریں کمک ءِ یک مزنیں درور اِنت، دوئیں ملک آنی شریکداری خلاء ءِ وسعت ءَ سر بوتگ۔ پنچ شمبے ءِ روچ ءَ وتی گشتانک ءِ تہ ءَ مزن وزیر شہباز شریف ءَ پاکستان ءِ ایڈوانسڈ ریموٹ سینسنگ سیٹلائٹ ءِ سوبمندیں لانچ ءِ سر ءَ سپرکو ءُ سرجمیں ٹیم ءَ را دل ءِ جہلانکی ءَ چہ مبارک بات دات ءُ گوشت کہ اے سوبمندی پاکستان ءُ چین ءِ نیام ءَ کمک ءِ نوکیں بالاد آنی درشان اِنت کہ ایشی ءَ چہ سیم سر ءَ چہ در خلاء ءَ سر بوتگ۔ اے مئے مشترکہ لیکہ ءِ درشان اِنت کہ خلائی ٹیکنالوجی ءَ را انسانیت ءِ نفع ءِ ھاترا کارمرز کنگ بہ بیت۔ مزن وزیر ءَ گوشت کہ اے سیٹلائٹ ءَ چہ پاکستان ءِ واستہ بے کساس آسراتی رس ایت، ایشی ءَ چہ کشت ءُ کشاری، شہری منصوبگ بندی، آفت ءِ گر ءُ دار، ٹرانسپورٹ نیٹ ورک ءِ میپنگ ءُ جتا جتائیں چاگرد آنی تہ ءَ ڈیٹا یکجا کنگ ءِ واستہ ھم کارمرد کنگ بوت کنت۔ مزن وزیر ءَ گوشت کہ پاکستان ءِ خلائی پروگرام ءَ را دیم ءَ برگ ءَ بے دروریں کمک ءُ کمک ءِ پد ءَ دل ءِ تہ ءَ شگر ءُ منت وار آں۔