جنیوا۔ 31 جولائی (اے پی پی) اسپیکر قومی اسمبلی سردار ایاز صادق تینا ایرانی ہم منصب ڈاکٹر محمد باقر قالیباف تون اوڑدہی کرے۔ اوڑدہی جنیوا ٹی مروک آ 6 می جہانی اسپیکرز کانفرنس نا سائیڈ لائن آ مس۔ اسپیکر گپ وتران اٹی پارے کہ پاکستان و ایران نا نیام اٹ تاریخی برادرانہ و دوستانہ تعلقداری ءِ۔ ہڑتوم آ اسپیکر آک ہڑتوم آ کنڈآتا پارلیمانی تعلقداری تے پین سوگو کننگ …
اسپیکر قومی اسمبلی سردار ایاز صادق نا تینا ایرانی ہم منصب ڈاکٹر محمد باقر قالیباف تون اوڑدہی
گیشتریں ھال
جنیوا۔ 31 جولائی (اے پی پی) اسپیکر قومی اسمبلی سردار ایاز صادق تینا ایرانی ہم منصب ڈاکٹر محمد باقر قالیباف تون اوڑدہی کرے۔ اوڑدہی جنیوا ٹی مروک آ 6 می جہانی اسپیکرز کانفرنس نا سائیڈ لائن آ مس۔ اسپیکر گپ وتران اٹی پارے کہ پاکستان و ایران نا نیام اٹ تاریخی برادرانہ و دوستانہ تعلقداری ءِ۔ ہڑتوم آ اسپیکر آک ہڑتوم آ کنڈآتا پارلیمانی تعلقداری تے پین سوگو کننگ آ امنا کریر۔ سردار ایاز صادق پارے کہ پاکستان ایران نا وتواجہی و سالمیت نا پبی مخ تفی ءِ کیک۔ دے ٹک نیامی ٹی پائیدار امن ڈیہہ انا شونداری و شونہالی کن المی ءِ۔ ایران آ اسرائیلی جلہو جہانی کانود نا اسُل خلاف ورزی ءِ۔ پاکستان غٹ جہانی جھیڑہ غاتا مذاکرات نا کمک اٹ پرامن ایسری نا خواہندار ءِ۔ پاکستان ایران نا جوہری پروگرام نا مذاکرات نا کمک اٹ پرامن ایسری خواہک۔ پاکستان نا پارلیمان ایران آ اسرائیلی جارحیت نا برخلاف امنائی قرارداد آتے منظور کرے۔ ایرانی اسپیکر ڈاکٹر محمد باقر قالیباف ایران آ اسرائیلی جارحیت نا برخلاف پاکستان نا کنڈآن مخ تفی آ منت واری ءِ ہرفے و پارے کہ ایران وپاکستان نا نیام اٹ سوگو برادرانہ و دوستانہ تعلقداری ساڑی ءِ ۔ ایران پاکستان تون تینا برادرانہ تعلقداری تے قدر انا نظر اٹ ہرک۔ پاکستان نا پارلیمان و الس نا کنڈآن مخ تفی ءِ ایرانی الس مدام یات تخک۔
