ہندوستان جنوبی ایشیا ءِ ایمنی  ءِ ھاترا مزنیں ھترہ یے، ما اے گپ ثابت کتگ کہ ما بے سوبیں زوراکی ءِ سرا لائکیں پسو دیگ ءِ اہل ایں، عطا اللہ تارڑ

اسلام آباد۔31جولائی  (اے پی پی): وفاقی وزیر اھوالکاری ءُ شنگکاری عطا اللہ تارڑ ءَ گوشت کہ بھارت جنوبی ایشیا ءِ امن ءِ واستہ مزنیں ھترہ اِنت، بھارت پاکستان ءِ واستہ مزنیں ھوپ اِنت۔ پاکستان ناشرکارانی حمایت ءَ کنگ ءَ اِنت، پہلگام ءِ واقعہ ءِ ھاتر ءَ مئے سر ءَ بے بنیں الزام جنگ بوتگ اَنت، ما وتی بے رھبندی ءَ ثابت کنگ ءِ جھد کتگ، بلے پسو دیگ ءِ بدل ءَ بھارت ءَ جنگی ماحول گیش کتگ، بھارت آپ ءَ را سلاہ ءِ بستار ءَ کارمرز کنگ ءَ اِنت، آپ مئے رکھگ اِنت، ایشی ءِ سر ءَ ھچ وڑیں سوجھہ نہ بیت، دیم ءِ سوبمندی ءِ باوجود کہ ما د ءِ ھاتر ءَ   را  یک لائکیں پسو یے بہ دنت، انصاف ءِ جہد ءَ پد کشمیر ءِ جیڈھ جھان ءِ پڑ ءَ زندگ کنگ بیت، کشمیر ءِ جیڈھ ءِ گیواری ءِ ھست نہ بوھگ ءَ دمگ ءَ دائمی امن ممکن نہ اِنت۔ آئی ءَ اے ھیالانی درشانی پنچ شمبے ءِ روچ ءَ انسٹی ٹیوٹ آف ریجنل اسٹڈیز ءِ نیمگ ءَ برجم داشتگیں جنوبی نیم کرہ ءَ پائیدار امن ءِ ھوالگ ءَ پالی ڈائیلاگ ءَ گوں تران کنان ءَ کت۔ وفاقی وزیر ءِ اھوالکاری ءَ گوشت کہ منی واستہ مرچی اے ھاسیں دیوان ءَ بھر زوری ءِ سر ءَ پھر ءِ گپ اِنت۔ من چہ انسٹیٹیوٹ آف ریجنل اسٹڈیز  ءُ  بیکن ہائوس سینٹر فار پالیسی اینڈ ریسرچ   ءِ بنجاھ آں گوں  دل ءِ جہلانکی ءَ منت واراں کہ آہاں اے گپ ءُ تران ءِ بندوبست کتگ۔ آئی ءَ گوشت کہ ھما جاہ ءَ کہ جنوبی ایشیا ءَ امن ءُ ایمنی ءِ ھوالگ ءَ پاکستان ءِ موقف مدام ھاسیں، یکوئی ءُ بے رھبند بوتگ۔ پاکستان امن پسندیں ملکے ءُ اے دمگ ءَ برجائی، گرم ءُ گپ ءُ تران ءِ دیمروئی ءَ مدام وتی کرد ءَ پیلو کتگ۔ آئی ءَ گوشت کہ اے دمگ ءَ ما ھما ھرابکاری ءَ گندگ ءَ ایں کہ ھندوستان ءَ گیش بوھوکیں بنیاد پرستی ءُ انتہا پسندی ءِ گوں مستقیم تناسب اِنت۔ ہندوتوا نظریہ ءِ راج دوستی ءِ راہ ءُ راہبند ءُ راہبند ءِ تبلیغ کنگ بوہگ ءَ انت اے دمگ ءِ دیم ءَ مزنیں خطرہ انت۔ آئی ءَ گوشت کہ پاکستان ایمنی ءِ واھشت مند اِنت ءُ اے ھم ثابت اِنت کہ پاکستان ءِ سر ءَ کجام ھم بے سر ءُ سوج ءُ بے جاہیں جنگ لڈگ بہ بیت گڈا مئے کر ءَ جوانیں پسو دیگ ءِ لائک ءُ توان است اِنت۔ وفاقی وزیر ءَ گوشت کہ پاکستان ءَ ناشرکاری ءِ واکیہ آنی تہ ءَ درملکی فنڈنگ ءِ ثبوت است انت ایشی ءِ تہ ءَ بھارت ءِ مزنیں کساس ءَ ھوار انت ایشی ءَ چہ مئے صوبگ آنی تہ ءَ ناامنی ءُ امن ءُ ایمنی ءِ جاور پیداک بوھگ ءَ انت۔ وفاقی وزیر ءَ گوشت کہ پاکستان وت ناشرکاری ءِ آماچ بوتگ، پاکستان ءَ اے جنگ ءَ 90 ھزار ءَ چہ گیش مردم ءِ جان قربان کتگ، دگنیا ءِ تہ ءَ دگہ ھچ ملک است کہ آئی ءَ ناشرکاری ءِ ھلاپ ءَ انچیں مزنیں بھا ادا کتگ؟ آئی ءَ گوشت کہ ما وتی سرڈگار ءِ سر ءَ ناشرکاری بند کت کہ آ دگنیا ءِ واستہ ھترہ جوڑ بوت کنت۔ مئے زھگ، مہلوک، پولیس، پوج ءُ ادارہانی قربانی ایوک ءَ پاکستان ءِ واستہ نہ انت بلکیں ملک ءِ ایمنی ءِ واستہ انت۔ اگاں پاکستان ءَ اے قربانی مہ داتیں گڑا مرچی ہما ناشرکار کہ ما آہاں بند کتگ ات آ ملک ءِ مزنیں شہراں گردگ ءَ اتنت۔ آئی ءَ گوشت کہ وھدے پہلگام ءِ وئیل ءِ ذمہ وار پاکستان ءِ سر ءَ الزام جنگ بوت گڈا ما وتی موقف ءَ پدر کت کہ یک انچیں ملکے کہ مرچی ھم وت ھمے ناشرکار آنی آماچ اِنت آ اے وڑیں گامگیج آنی کمک ءَ کت کنت؟ ما روچ پہ روچ اے وڑیں وئیلانی دیمپان ایں ۔ آئی ءَ گوشت کہ بھارت ءَ یک وئیلے دیم ءَ اتک ءُ آہاں بے بنیں الزام جنئگ بندات کت۔ آئی ءَ گوشت کہ وھدے مزن وزیر محمد شہباز شریف ءَ پہلگام ءِ وئیل ءِ سرجمی ءَ کینگی  پٹ ءُ پول ءِ لوٹ کت گڈا بھارت ءَ ایشی ءِ پسو دیگ ءِ بدل ءَ وتی جنگی تب ءُ جنگی ماحول گیش کت۔ آئی ءَ گوشت کہ سرجمیں اے بحران ءِ ساھت ءَ مئے اتحادی ءُ دوستیں ملک مئے ھمراہ بوتگ انت، مارا سفارتی محاذ ءَ سوبمندی رستگ، ما دیستگ کہ مئے نیمگ ءَ بھارت ءِ ھلاپ ءَ جست چست بوتگ انت ءُ مرچی ھم اے جست چست بوھگ ءَ انت۔ آئی ءَ گوشت کہ نریندر مودی ھچبر انچیں نزوریں جاہ ءَ نہ بوتگ کہ نوں اِنت پرچا کہ بھارت ءِ سول سوسائٹی، میڈیا، دانشور ءُ اپوزیشن درست آئی ءِ وفاداری ءِ سر ءَ جُست ءُ پُرس کنگ ءَ اَنت کہ آئی ءَ بے ھچ پٹ ءُ پول ءَ ایوک ءَ یک واقعہ ءِ بنیاد ءَ زوراکی ءِ راہ گپتگ ءُ پاکستان ءَ بے گناہیں شہری آناں نشانگ جوڑ کتگ۔ آئی ءَ گوشت کہ پہلگام ءِ وئیل ءَ چہ تچک ءَ پد اھوالکار آنی گلے کشمیر ءِ دمگ بلور شاہ ءَ برگ بوت کہ اودا ھندی رسانکدر ءَ ناشرکارانی کیمپ است انت ءِ دعویٰ کتگ ات ءُ ما آھاں پیش داشت کہ اود ءَ زند دائمی رنگ ءَ روان انت۔ مئے ہمراہی ءَ میان استمانی رسانکدر ءِ سنگت ہم اتکگ اتنت کہ آہاں اے درشان کت کہ اے امن ءُ ایمنی ءِ دمگ انت۔ اے الزام ہمے منصوبہ ءِ بہر اتنت کہ احوالکاراں مریدکے ءُ بہاول پور ءَ برگ مہ بیت دانکہ اے تاثر گار مہ بیت کہ اودا ناشرکارانی کیمپ است انت ءُ ہندوستان ءَ اے اُرش چہ ہما روچ ءَ یک شپے پیسر کتگ انت کہ ما سفر کنگ ءَ اتیں۔ وفاقی وزیر ءَ گوشت کہ بابناہ ءِ محاذ ءُ سفارتی محاذ ءِ سر ءَ کمک ءُ امن ءِ واھشت ءِ کمی ءَ ابید ھم ما اے گپ ءَ را اے گپ ءَ ثابت کتگ کہ مئے امن ءِ واھشت ءَ را نزوری لیکگ مہ بیت۔ آئی ءَ گوشت کہ بھارت ءَ مئے امن ءِ واھشت ءَ را نزوری لیک اِتگ، مئے سلاہ بندیں اُرد ءُ بہادریں سپاھیگ آنی نیمگ ءَ داتگیں پسو ءَ چہ بھارت ءَ را مئے فوجی طاقت ءِ احساس بوتگ کہ ما بے سوبیں زوراکی ءِ لائکیں پسو دیگ ءِ توان ءَ داریں۔ پہلگام ءِ وئیل ءَ چہ پیسر آپ ءَ را سلاہ ءِ رنگ ءَ کارمرد کنگ ءِ حیال بوتگ ۔ آئی ءَ گوشت کہ وھدے کسے امن ءَ را تاوان دیگ لوٹ ایت گڈا مدام یک میاں اوستمانی منوگری ءِ تہ ءَ مداخلت کنگ ءِ جیڑگ ءَ انت۔ اے چوں ممکن اِنت کہ یک میان استمانی منوگری ءَ را دومی نیمگ ءِ رضامندی ءَ ابید یک نیمگی ءَ معطل کنگ یا معطل دارگ بہ بیت۔ آئی ءَ گوشت کہ بھارت ءِ پکر آپ ءَ را سلاہ ءِ رنگ ءَ کارمرد کنگ بوتگ۔ وفاقی وزیر ءَ گوشت کہ پاکستان ءَ جوانیں وھد ءَ راجی سلامتی کمیٹی آنی دیوان گوانک جتگ ءُ یک ھاسیں کلوہ ءِ داتگ کہ آپ مئے رکھگ اِنت، ما ایشی ءِ سر ءَ ھچ وڑیں سمجھوتہ نہ کن ایں، آپ ءِ روانی ءَ را بند کنگ یا ایشی ءَ را تاوان دیگ ءِ ھرچ وڑیں کوشست ءَ را لائکیں پسو ءِ گوما دیوان کنگ بیت۔ اے یک ھاسیں ءُ دوٹوکیں پیغامے ات، اے طبیعی وسیلہ مئے 240 میلیون مردمانی حق انت، ایشی ءِ ھلاپ ورزی برداشت کنگ نہ بیت۔ آئی ءَ گوشت کہ بھارت ءَ بازیں محاذ پچ کتگ انت پرچا کہ آئی ءَ وت ءَ را ’’بُرز بوھوکیں بھارت‘‘ ءِ اے دروگیں تصور ءِ سر ءَ جوڑ کتگ ات ءُ راستی ایش انت کہ اے تصور سکیں نزوریں بنیاتانی سر ءَ جوڑ کنگ بوتگ ءُ وھدے کہ ایشی ءِ قانونی، سفارتی، فوجی ءُ عدالتی تک ءَ آزمائش کنگ بوتگ گڑا اے سرجم ءَ ناکام بوتگ۔ آئی ءَ گوشت کہ اگاں ما جنگ ءَ پد ءِ ندارگ ءَ بچاریں گڈا ما گوش ایں کہ مارا امن لوٹ ایت بلے اے امن وت مہ وتی ءِ شرپ ءُ شرپ ءُ کشمیر ءَ ھوار توامیں جیڈھ آنی گیواری ءِ سر ءَ بنیات بہ بیت۔ اے سرجمیں منظر نامہ ءِ یک جوانیں تبے ایش انت کہ کشمیر ءِ جیڈھ پدا دیم ءَ اتکگ ءُ جتا جتائیں موہاں امریکی صدر ڈونلڈ ٹرمپ ءَ کشمیر ءِ جیڈھ ءِ گیواری ءِ سرا زور داتگ۔ آئی ءَ گوشت کہ بھارت بے گناھیں کشمیری آنی ھک آنی زورگ ءَ نہ کنت، اقوام متحدہ ءِ سلامتی کونسل ءِ قرارداد آنی احترام المی انت۔ وفاقی وزیر ءَ گوشت کہ پاکستان ءَ اے دمگ ءَ امن ءِ واستہ مدام وتی کرد پیلو کتگ، پاکستان آیوکیں وھد ءَ ھم وتی کرد ءَ پیلو کنت ءُ اے انوگیں جاور ھال ءَ دگنیا ءَ را دلجم کتگ کہ ما یک راجے ءِ بستار ءَ نہ ایوک ءَ اشتعال انگیزی ءِ رد ءَ پسو دات کن ایں بلکیں سفارتی چینل آنی وسیلگ ءَ وتی گپ ءَ سر کنگ ءِ ھاٹیگ  ءُ ازمکاری  ھم ھست۔