صدر  مملکت  آصف علی زرداری  ءَ   گھانا ءِ  واستہ نامینتگیں سفیر   نجیب  درانی ءَ گوں  گند ءُ نند

اسلام آباد۔31جولائی  (اے پی پی):صدرمملکت آصف علی زرداری    ءَ پاکستان ءُ گھانا ءِ دوستی   آناں  وت مہ وتی سیت آنی  واستہ   برجم  کنگ ءِ ضلورت ءِ سر ءَ  زور پر دات  ءُ  گوشت کہ دوئیں ملک آں تجارتی  ءُ معاشی  رابطہ  آنی دیمروئی  ءِ ضلورت  انت۔  ایوان ءِ صدر  ءِ پریس  ونگ ءِ  نیمگ ءَ جاڑی بوتگیں  بیان ءِ رد ءَ اے  ھیالانی درشانی آئی ءَ  پنچ  شمبے   ءِ روچ ءَ  گھانا  ءِ واستہ نامینتگیں  سفیر نجیب  درانی ءَ گوں  گند ءُ نند کنان ءَ کت۔ گند ءُ نند ءَ تران  کنان ءَ صدر  مملکت   آصف  علی زرداری  ءَ گوشت کہ پاکستان ءُ   گھانا   ءِ دوستی    ءُ یکوئی  آناں دوئیں  ملک آنی وت  مہ وتی  سیت آنی واستہ   گیش مضبوط  کنگ ءُ دو نیمگی  تجارتی  ءُ معاشی  یکوئی آنی دیمروئی   ءِ ضلورت انت۔   آئی  ءَ گوشت کہ پاکستان  کاروباری  موہ آنی   واستہ جوانیں   جاور  ءُ ماحول پجاری  کنت۔ صدر   مملکت ءَ نامینتگیں   سفیر  ءَ را  پنت ءُ شون  کت  کہ آ گھانا ءِ کمپنی  آناں پاکستان ءَ  یکجائی  منصوبگ  آنی تہ ءَ  سرمایہ کاری ءِ واستہ  دلگوش بکنت،   پاکستان ءُ گھانا ءِ   ادارگ آنی وت مہ وتی    آناں  گیش مھکم  بہ بنت۔  آئی ءَ گوشت کہ  گھانا ءِ سفارت کار ءُ انجینئر   آناں پاکستان ءَ ھیل کاری  وشیں ھبر اِت،  آصف  علی زرداسری ءَ سفیر نجیب درانی ءَ را  نوکیں زمہ واری در جنگ ءِ پد ءَ  مبارک بات دات ءُ نیکیں واھشت  آنی درشان   ھم کت۔