وت جوڑیشتی ھیل کاری ءِ پالیسی ءِ رد ءَ ورناہاں مالی کمک ءِ وسیلگ ءَ نوآبادیاتی ھیال ءُ لیکہ ءُ اسٹارٹ اپس ءِ دیمروئی،  شزہ فاطمہ خواجہ

اسلام آباد۔31جولائی  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ ملک ءِ اولی جامع وت جوڑیشتی ھیل کاری پالیشی ءِ تہ ءَ نوآبادیاتی ماحولیاتی نظام ءِ دیمروئی، سپورٹ فنڈ ءِ جوڑ کنگ، وت جوڑیشتی ھیل کاری ءِ بابت ءَ سرپدی، سائبر سیکورٹی، شریکداری ءِ موہ ءُ موہ ءِ پھجارینگ ھوار اِنت۔ اے پالیشی ءِ چیر دستی ءَ ورنا آناں مالی کمک ءِ وسیلگ ءَ انوویشن آئیڈیاز ءُ اسٹارٹ اپس آناں دیمروئی دیگ بیت، شہری آنی تہ ءَ وت جوڑیشتی ھیل کاری ءِ بابت ءَ سرپدی پیداک کنگ بیت ءُ ایشی ءِ واستہ آھاں یک وڑیں موہ دیگ بیت۔ آئی ءَ اے ھیالانی درشانی پنچ شمبے ءِ روچ ءَ وفاقی کابینہ ءِ نیمگ ءَ منظور کتگیں نیشنل آرٹیفیشل انٹیلی جنس پالیسی ءِ سر ءَ تران کنان ءَ کت۔ آئی ءَ گوشت کہ من سرجمیں راج ءَ را ھاسیں رنگ ءَ ورنا آناں وفاقی کابینہ ءِ نیمگ ءَ اے آئی پالیشی ءِ منظوری ءِ سر ءَ مبارکی دیان آں ۔ پاکستان ءَ اے راجدپتری سیل سوبمند کتگ۔ اے پالیسی ایوک ءَ ٹیکنالوجی ءِ دور ءَ ہوار بوہگ ءِ بہر نہ انت بلکیں اے یک انچیں انقلابی گامگیج انت کہ ایشی ءَ چہ پاکستان ءَ دیمروئی کتگیں ملکانی لڑ ءَ ہوار بیت۔ آئی ءَ گوشت کہ وت جوڑیشتی ھیل کاری ایوک ءَ ٹیکنالوجی یا آئی ٹی ءِ شوبگ ءَ گوں سیادی نہ دار ایت بلکیں زندمان ءِ توامیں شوبگ آنی تہ ءَ انقلاب آرگ ءَ اِنت، ایشی ءِ تہ ءَ جان سلامتی، وانگ ءُ زانگ، صنعت ءُ تجارت، معیشت ءُ ایندگر شوبگ ھوار اَنت۔ آئی ءَ گوشت کہ مئے کوشست ایش انت کہ پاکستان ءِ ھمک شہری ءَ را آرٹیفیشل انٹیلی جنس ءِ آسراتی ءَ چہ سیت چست بہ بیت۔ شزہ فاطمہ خواجہ ءَ گوشت کہ راجی آرٹیفیشل انٹیلی جنس پالیشی ءِ تہ ءَ مزن وزیر محمد شہباز شریف ءِ ڈیجیٹل پاکستان ءِ وژن ءِ ساھی اِنت۔ مزن وزیر محمد شہباز شریف ءَ معیشت، آئی ٹی ءُ گورننس ءَ ہوار درستیں شوبگاں ڈیجیٹل انقلاب آرگ ءِ ہدف ایر کتگ۔ اے درگت ءَ راجی وت جوڑیشتی ھیل کاری ءِ پالیسی ءِ کلیدی ارزشت اِنت۔ آئی ءَ گوشت کہ وت جوڑیشتی ھیل کاری ءِ پالیشی ءِ 6 ستون اَنت، ایشی ءِ تہ ءَ انوویشن ایکو سسٹم ءِ دیمروئی ءُ ایشی ءِ واستہ فنڈ ءِ جوڑ کنگ ھوار اِنت، ایشی ءِ وسیلگ ءَ ھاسیں رنگ ءَ ورنا آناں مالی کمک پجارینگ بیت، آوانی انوویشن آئیڈیز ءُ اسٹارٹ اپس آناں دیمروئی دیگ بیت، انوویشن ءِ دیمروئی ءِ واستہ ورنا آنی واستہ سرمایہ کاری ءِ سر ءَ گیش دلگوشی دیگ بیت۔ آئی ءَ گوشت کہ سرپدی ءُ تیاری اے پالیشی ءِ مستریں ستون اَنت، وت جوڑیشتی ھیل کاری ءِ بابت ءَ سرپدی ءُ ایشی ءِ کارمردی ہر شہری ءِ واستہ المی اِنت، وت جوڑیشتی ھیل کاری ءِ ھوالگ ءَ ما اسکول ءُ کالج آنی تہ ءَ زانت ءُ زانشت ءَ را دیم ءَ برگ ءِ گوما کار ءُ روزگار ءُ کاروباری مردم آناں وانگ ءُ زانگ ءِ گوما ھوار کن ایں، ایشی ءِ گوما ما یک ہنرمندیں کارکن جوڑ کن ایں ۔ آئی ءَ گوشت کہ صنعت آنی تہ ءَ آٹومیشن ءُ اے آئی ءِ کرد گیش بوھگ ءَ اِنت، اے شوبگ ءَ ھم مارا وت جوڑیشتی ھیل کاری ءِ دیمروئی ءِ واستہ تیاری کنگ لوٹ ایت، ھمے رنگ ءَ گورننس ءِ واستہ مارا وت ءَ را وت جوڑیشتی ھیل کاری ءِ سر ءَ انحصار کنگ ءِ واستہ تیار کنگ لوٹ ایت۔ آئی ءَ گوشت کہ وت جوڑیشتی ھیل کاری ءِ سبب ءَ دگنیا ءِ روزگار ءِ بازار بدل بوھگ ءَ انت، اے پالیشی ءِ چیر دستی ءَ اے گپ ءَ را دل یکیمی کنگ ءَ کمک کنت کہ مئے ورنا استیں ءُ آیوکیں وھد ءَ روزگار ءِ موہ ءَ چہ سیت چست کت کن انت۔ آئی ءَ گوشت کہ ما سیف اے آئی ءِ سر ءَ کار کن ایں، ایشی ءِ چیر دستی ءَ شہری آنی ڈیٹا ءِ رکھینگ ءَ را دل یکیمی کنگ بیت، ایشی ءِ واستہ سائبر سیکورٹی سک باز المی اِنت، چیاکہ ڈیجیٹلائزیشن گیش بوھگ ءَ اِنت، سائبر سیکورٹی چیلنج دیم ءَ آیگ ءَ اَنت، ما ورنا ءُ زالبول آنی ھواریں شہری آنی سائبر سیکورٹی ءَ را دل یکیمی کنگ ءِ کوشست کنگ ءَ آں، ایشی ءِ چیر دستی ءَ منصوبگ بندی کنگ بوتگ۔ شزہ فاطمہ ءَ گوشت کہ ما ملک ءَ وت جوڑیشتی ھیل کاری ٹیکنالوجی ءِ کارمرد کنگ ءَ چہ بدلی ءُ ردوم ءَ آرگ ءَ ایں، درستیں شہری آنی واستہ یک وڑیں موہ ءِ ضمانت دیگ بیت، ما ڈیجیٹل دنیا ءَ چہ وت جوڑیشتی ھیل کاری ءِ دنیا ءَ روگ ءَ ایں، مئے شہری آنی تہ ءَ چہ یکے ءَ را وت جوڑیشتی ھیل کاری ءِ تہ ءَ پد منتگ بوھگ ءِ گنجائش نیست، وت جوڑیشتی ھیل کاری ءُ آئی ءِ ٹیکنالوجی ءَ دیم ءَ برگ ءَ انت۔ آئی ءَ گوشت کہ وت جوڑیشتی ھیل کاری ءِ واستہ انفراسٹرکچر یک ھاسیں ستون اِنت، ایشی ءِ تہ ءَ ڈیٹا سینٹر ءُ ایندگر سامان ھوار اَنت، ایشی ءِ تہ ءَ کلاؤڈ ھم ھوار اِنت، ایشی ءَ چہ وت جوڑیشتی ھیل کاری ءِ تہ ءَ صلاحیت آناں دیمروئی دیگ ءَ کمک رسیت، اے درگت ءَ پالیشی ءِ تہ ءَ سرجمیں منصوبگ بندی کنگ بوتگ۔ آئی ءَ گوشت کہ پاک چین ڈیٹا ٹرانزٹ چالو کنگ بوتگ، پاکستان ڈیٹا ٹرانزٹ ہب جوڑ بوھگ ءَ انت، ما میاں اوستمانی ءُ چین ءِ وڑیں ملک آناں ڈیٹا کیبل ءِ وسیلگ ءَ دگنیا ءِ ایندگر ملک آں گوں ھمگرنچ کن ایں، حکومت اے درگت ءَ کانود ءُ زبان ءِ ماڈل ءِ سر ءَ کار کنگ ءَ انت۔ آئی ءَ گوشت کہ ما وتی راجی یکوئی، دود ءُ ربیدگی ءُ چاگردی ءُ مذھبی ارزشت آنی رکھینگ ءَ کن ایں، اے ماڈل مارا جتا جتائیں زاویہ آں چہ وتی نقطہ نظر ءَ پیش کنگ ءَ کمک کنت، مارا ٹیکنالوجی ءَ را زمہ واریں رنگ ءَ کارمرد کنگی اِنت۔ آئی ءَ گوشت کہ اے پالیشی ءِ چیر دستی ءَ میاں اوستمانی کمک ءَ را دیمروئی دیگ بیت، جتاجتائیں ٹیکنالوجی کمپنی ءُ ھاسیں ملک آنی گوما شریکداری کنگ بیت، ایشی ءِ چیر دستی ءَ ما وتی آرٹیفیشل انٹیلی جنس ایجنڈا ءَ را دیم ءَ براں۔