اسلام آباد۔ 29 دسمبر (اے پی پی) پاکستان سپورٹس بورڈ ءِ چیر دستی ءَ دومی قائداعظم بین الصوبائی گیمز ءِ جوانیں مراگش ءِ گوما گڈ کنگ بوت، پنجاب سپورٹس بورڈ ءِ ایتھلیٹس آنی جوانیں کرد ءُُ ازمکاری ءِ سبب ءَ پنجاپ ءَ 74نُگرہ ءِ داد ءِ گوما ھوار 151کٹ اِت ءُُ چیمپیئن بوھگ ءِ داد وتی نام ءَ کت، میڈلز آنی تاچ ءَ بلوچستان 26نگرہ ءَ ھوار ھواریں نگ ءَ 86نگرہ ءِ گوما دومی ءُُ خیبرپختونخوا 21 نگرہ ءِ گوما 94 داد کٹ اِت ءُُ سیمی نمبر ءَ بوت، سندھ 20نگرہ کٹ اِت ءُُ چارمی نمبر ءَ فاٹا7نگرہ کٹ ھگ ءَ گوں پنچمی نمبر ءَ ، اسلام آباد 6نگرہ کٹ اِت ءُُ ششمی نمبر ءَ ، گلگت بلتستان 4نگرہ کٹ اِت ءُُ ھپتمی نمبر ءَ ءُُ آزات جموں کشمیر ءَ یک نگرہ ءِ کٹ اِت ءُُ ھشتمی نمبر ءَ بوت، سندھ ءِ عبدالمعید بلوچ 100 ءُُ 200 میٹر تاچ ءِ چیمپئن بوت وھدیکہ سندھ ءِ شفق آفرین 100ءُُ پنجاپ ءِ توراب زہرہ 200میٹر تاچ ءَ تُرند تریں تچوک نامینگ بوت۔ مزن وزیر پاکستان شاہد خاقان عباسی گڈی مراگش ءِ ھاسیں مہمان ات آئی ءَ باج بروکیں ٹیمب آناں میڈلز ءُُ داد بھر ءُُ بانگ کت اَنت۔ اے موہ ءِ سرءَ بُنجاھی وزیر برائے بین الصوبائی رابطہ، بُنجاھی وزیر سیفارن عبدالقادر بلوچ، ایمبیسڈرز، پاکستان سپورٹس بورڈ ءِ ڈائریکٹر جنرل اختر نواز گنجیرا ھم ساڑی اَت، ٹیمب آنی مارچ پاسٹ ءَ پد ناچ ءُُ سھبت لیبی بچک آں کت، وش گوشندہ وقاص علی ءَ وشیں سوت جت۔
