اسلام آباد۔27دسمبر(اے پی پی) منصوبہ بندی ءُ دیمروئی ءِ وزیر احسن قبالءَ گشتگ کہ وژن 2025ءَ وانگءُ زانگءِ پڑءَ سرجمءَ دلگوشی کنگ بوتگ، وانندگیں ورناھ مئے باندات اَنت، نوں ھمک ضلعءِ تہا مزن شاہ دربرجاھ کیپمس جوڈ کنگ بوھگءَ اِنت۔ اے ھیالانی درشانی آئیءَ چارشمبے ءِ روچءَ اسلام آباد انڈومنٹ این ای ایس ٹی ءِ مراگشءَ گوں تران کنانءَ کتگ۔ بنجاھی وزیر ءَ گشتگ کہ انوگیں حکومت ءَ نودربرانی ھاترءَ گیش وانگءُ زانگءِ بازیں منصوبہ بندات کتگ۔ آئیءَ گشتگ کہ 18می ترمی ءَ پد گیش وانگءُ زانگ ءِ سرءَ ھاسیں دلگوشی کنگ بوتگ، فاٹا ءَ ھم مزن شاہ دربرجاھ جوڈ کتگ۔ بنجاھی وزیر ءَ گشتگ کہ اے وھدءَ 10ہزارءَ چہ گیش پی ایچ ڈی ءِ نودربراں وظیفہ دیئگ بوھگءَ اَنت، شہباز شریف ءِ وژن ءَ را چارگ بوتگءُ این ای ایس ٹی ءِ وظائف بندات کتگ۔ آئیءَ گشتگ کہ انڈومنٹ فنڈ ءِ وظائف ءَ را ھم 25ارب کلدارءَ چہ برآںءُ سرکن اَنت۔ آئیءَ گشتگ کہ ایچ ای سی ءِ بجٹ 13ارب ءَ چہ گیش کنگءُ 35 ارب کلدارکنگ بوتگ، ھال جوانیں کرد پیلو کنوکیں نودر برآں دیم ءَ بیاریت۔
