پشاور۔ 25دسمبر (اے پی پی) 25دسمبر (اے پی پی) وزیراعظم شاہد خاقان عباسی پارینے کہ حکومت بنجانا بست و بندی قبائلی علاقہ (فاٹا) نا ملک انا ایلو علاقہ غاتا بریبر شونداری کن پرعزم ءِ ، فاٹا ءِ قومی دنگ اٹی اتنگ نا معاملہ توتا آخا بلکن دے تا ءِ و فاٹا اصلاحات ءِ گڑاس عنصر آتا کنڈآن سیاسی رنگ تننگ مذمت نا قابل ءِ ہرا 2018ء نا لس گچین کاری تیٹی اونا کریڈٹ ءِ ہلنگ خوارہ۔ فاٹا اصلاحات فائنل اسٹیج اٹی ءِ و منہ دے اٹ نافذ کننگک۔ جمرود خیبر ایجنسی ٹی مسٹ میکو گورنر فاٹا یوتھ اسپورٹس فیسٹیول 2017ء نا بنائی دود آن تران کرسا وزیراعظم پارے کہ گدرینگوک آ چار سال اٹی مسکوہی وزیراعظم محمد نواز شریف و سرتاج عزیز نا سروکی ٹی فاٹا ریفارمز کمیٹی فاٹااصلاحات نا ڈرافٹنگ کن ریکارڈ کاریم کرے و فاٹا ٹی لاگو اسہ صدی متکن آ نظام نا بدلی نا بابت غٹ اسٹیک ہولڈرز آتے پت اٹی ہلک اوپارے کہ فاٹا اصلاحات نا کریڈیٹ بیرہ و بیرہ پی ایم ایل ن ءِ کاہک ہرانا رداٹ اسہ صدی متکن آ ایف سی آر کانود نا جاگہ غا پاکستانی کانود جاگہ ہلیک و داخہ متکن انگا کانود ءِ چٹفنگ دُن ءُ آسان ءُ کاریم اس اف۔ اوپارے کہ قبائلی الس ایف سی آر نجات و پاکستانی کانود نا نفاذ ءِ خوائسرہ و دابابت فاٹا پارلیمنٹرینز غاو کریسر کہ او اگرچہ کانود سازی ٹی اہم کڑد ادا کیرہ ولے اوفتا تینا علاقہ داکانود آتیان محروم ءِ ہراکہ است ہسونی اسے۔
