بری فوج انا سروک جنرل قمر جاوید باجوہ نا کرائسٹ چرچ راولپنڈی کرسمس نا دود آتیٹی شرکت، مسیحی برادری تون یکجہتی نا درشان

راولپنڈی۔ 25دسمبر (اے پی پی) بری فوج انا سروک جنرل قمر جاوید باجوہ دوشنبے نادے کرائسٹ چرچ راولپنڈی کرسمس دود آتیٹی شرکت کرسا مسیحی برادری تون یکجہتی نا درشانی ءِ کرے۔ فوج انا شعبہ تعلقات عامہ (آئی ایس پی آر) نا رداٹ دود اٹی ساڑی مروک آک آرمی چیف ءِ بخیر اٹ پاریرو دوداٹی بشخ ہلنگ آ اونا منت واری ءِ ہرفیر۔ بری فوج انا سروک پاکستان نا مچ آ مسیحی برادری ءِ کرسمس نا مبارکبادی تس۔ اونئے بیرہ قیام پاکستان کن بلکن اونا شونداری کن مسیحی ایلم تا کڑد انا ستاءِ کرے۔ اومچ آپاکستان اٹی مسیحی برادری نا تعلیم، جان جوڑی و السی شرحالی تون اوار چندی بشخ آتیٹی کڑد انا ستاءِ کرے۔ اوپاکستان نا سلہہ بند فوج انا وڑاٹ خاص کر لمہ وطن نا دفاع کن اوفتا شمولیت نا اعتراف ءِ کرے۔